На 13.08.2022 во 23.30 часот во Полициска станица Гази Баба, И.Б.(32) и Д.Б.(40), двајцата од Скопје пријавиле дека околу 21.30 часот во близина на игралиште во с.Инџиково, скопско, нивните три малолетни деца биле физички нападнати од две лица. Се преземаат мерки за расчистување на случајот.

Интензитетот на сообраќај на патните правци надвор од градските средини утрово е зголемен. На ГП „Богородица” времето на чекање за излез од државата е околу 30 минути, а на ГП „Табановце” се чека околу еден час за влез и излез од државата. Како што информира АМСМ, на останатите гранични премини, од македонска страна, нема подолги задржувања за влез и излез од државата. Сообраќајот на државните патишта се одвива непречено, по претежно суви коловози. АМСМ препорачува прилагодена брзина на движење, почитување на поставената сообраќајна сигнализација и внимателно управување со возилата, особено на патиштата низ котлините, речните долини и клисурите, каде има можност од појава на одрони. Ова посебно се однесува за делниците Катланово – Велес, Маврово – Дебар – Струга, Виница – Берово и Кочани – Делчево.

Времето ќе биде сончево и топло со мала до умерена облачност. Ќе дува слаб до умерен ветер од западен и северозападен правец. Минималната температура ќе биде во интервал од 10 до 18, а максималната ќе достигне од 25 до 33 степени. УВ индексот ќе биде 7, соопшти УХМР. Во Скопје сончево и топло со мала до умерена облачност и со слаб ветер од северозападен правец. Минималната температура ќе се спушти до 15, а максималната ќе достигне до 31 степен. Во следните денови ќе има стабилизирање на времето со брз пораст на дневните температури, освен во вторник кога во попладневните часови се очекува локална нестабилност со краткотраен пороен дожд, грмежи и засилен ветер.