Арсенал вчера го доби Спортинг Лисабон во жрепката за следната фаза од Лига Европа, а тоа ќе биде воедно најатрактивниот двоец за оваа фаза.
Но клучното прашање кое се поставува до Микел Артета, а за кое веројатно и самиот тој размислува, дали да се ризикува еден од фронтовите, дали да се притисне до крај за двата трофеи, во Лига Европа и Премиерлигата.
Микел Артета упорно тврди дека Арсенал до крај ќе игра на двата фронта без компромис, но прашање е дали темпото играчите на Арсенал ќе го издржат.
„Ќе се обидам секогаш да го извлечам најдобриот тим кога сме на терен. Имаме уште доста минути до крајот на сезоната, така да ќе биде тешко. Кога го менувате составот, луѓето знаат да кажат, зошто менувате кога победувате, но некогаш мора да се промени, затоа што не се добива секој натпревар со исти играчи. Јас ги избирам играчите кои се во најдобра кондиција пред секој натпревар. Секогаш излегува и играме на победа“, тврди Микел Артета.
Запрашан за мечот против Спортинг Лисабон, Артета истакна: Ќе биде неизвесно, ќе пристапиме максимално со почит за противникот.
