Во недела Манчестер Јунајтед ќе се соочи против Њукасл во финалето од Лига купот, за првиот трофеј под водство на Ерик Тен Хаг.
Несомнено дека и двете екипи го посакуваат овој мал трофеј по вредност, кој може да има големо влијание на остатокот од нивните сезони, мислејки на самодовербата.
„Близу сме до крајот исакаме да освоиме нешто конкретно, а тоа е трофеј. Каде и да стигнете до крај, до било кое финале, го посакувате трофејот, затоа што поразениот никој нема да го сеќава. Ќе дадеме се од себе да го освоиме купот, пред се поради навивачите, тие го заслужуваат тоа“, порача Маркус Рашфорд.
25 годишниот фудбалер ја игра веројатно најдобрата сезона во кариерата, досега на 37 натпревари има постигнато 24 голови со 9 асистенции.
Мечот е закажан за утре од 17:30 часот.
