Шпанците кон средината на 2021 година го украдоа Ајмерик Лапор од француската репрезентација, а сега се на прагот да доведат уште еден француски стопер во своите редови. Имено, дефанзивецот на Реал Сосиедад, Робин Ле Норман, се согласи на можноста да заигра за Црвената фурија, по што започна процес момчето родено на крајниот запад на Франција да добие шпански, односно да стане сопственик на двојно државјанство. Ова е услов селекторот Луис Де Ла Фуенте да го вклучи во списокот на А репрезентацијата.
26-годишниот Ле Норман со месеци го чекаше повикот на Дидие Дешам и можност да стане дел од селекцијата на Триколорите, но бидејќи вицешампионот на светот не покажа доволно интерес, изгледа шпанската фудбалска федерација да ја искористија својата шанса. Разликата помеѓу случаите на Лапорт и Ле Норман е во тоа што дефанзивецот на Манчестер Сити помина низ сите младински редови на Франција, додека Ле Норман никогаш не играл за ниту тим на „Галските петли“.
Ле Норман одигра 161 натпревар за Сосиедад, постигна три и намести шест гола, а неговата пазарна вредност е 35.000.000 евра.
Се чини дека не е сигурно дека Ле Норман ќе добие шпанско државјанство на време за да биде повикан веќе во март, но намерата на фудбалската федерација на Шпанија е јасна. Во исто време, кровната организација на шпанскиот фудбал ги презема сите неопходни чекори за дефинитивно да го заклучи суперталентираниот играч за врска на Ливерпул, Стефан Бајчетиќ.
Шпанска Марка тврди дека Фудбалскиот сојуз на Србија е во сериозна офанзива и на таткото на Бајчетиќ, Срѓан и самиот тинејџер за во март да стане дел од селекцијата на „Орлите“, но засега нема индиции дека тоа ќе се случи. Минатиот август Бајчетиќ дебитираше за шпанската репрезентација до 19 години, но ниту тоа не е дефинитивна гаранција за Фуријата. Бајчетиќ е роден во Виго и според Марка има двојно државјанство.
