Стани YouTuber! Пријави се, ова е твојот ден!↓↓↓
Неодамна Никола Карабатиќ потпиша нов договор со ПСЖ и тоа му овозможуваше да игра на највисоко ниво за идеален крај на кариерата, да настапи со Франција на Олимписките игри во Париз.
Сепак, според последните ифнромации таа негова желба изгледа нема да му се исполни поради сериозен здравсатвен проблем. Претходно беше објавено дека Карабатиќ сезоната ќе мора предвреме да ја заврши сезоната и се најавуваше дека ќе паузира околу три месеци.
Но, деталните прегледи покажаа дека ракометарот има многу посериозен проблем со вените. Француските медиуми објавија дека откриена му е болеста флебитис, воспаление на површинските вени на нозете и проади тоа мора целосно да мирува неодредено време.
Реткост е спортисти да заболат од оваа болест и затоа не постои прогноза која што може да каже за колку време Карабатиќ ќе се врати, но дел од јавноста во Франција тврди и дека ниту еден доктор не би му препорачал да се враќа на терените со таков вид на болест.
Засега не може со сигурност да се каже и времето ќе покаже дали Карабатиќ ќе мора предвреме да ја заврши кариерата.
