Во нејзиниот емотивен говор, таа сподели мислења за нејзината дијагноза и нејзината сегашна битка со ракот на дојката.
Претседателката на настанот Џејми Тиш ѝ ја додели наградата на актерката, истакнувајќи колку таа ги инспирирала другите со својата сила.
– Она што те прави голема ѕвезда не е само твојот талент, твојата убавина и грациозност, туку и твојата издржливост без оглед на тоа што животот ти фрла на патот. Ви благодариме што повторно и повторно станувате и нѐ инспириравте сите со вашиот пример, рече пред Стоун да им се обрати на присутните.
Courage Award recipient Sharon Stone: “I brought a couple of notes tonight. I usually just speak off the cuff because, as you well know, I don’t give a shit.” pic.twitter.com/9PfaUSAA3k
— Chris Gardner (@chrissgardner) March 17, 2023
– Обично зборувам брзо затоа што, како што знаете, не ми е гајле, почна таа и веднаш ја насмеа публиката. Таа ги почести другите добитници на награди со тоа што ги повика жените кои преживеале рак на дојка да застанат.
Стоун ги опишала нејзините здравствени проблеми, а иако темата била тешка, таа успеала да се пошегува на своја сметка.
– Тие мамографи не се забавни. Отидов во болница и им реков: „Ако ме отворите и видите дека имам рак, ве молам отстранете ми ги двете дојки, бидејќи јас не сум личност која ја дефинираат моите гради. Можеби звучи смешно затоа што сите сте ги виделе моите гради. Ги видовте моите гради по операцијата, не ни знаевте, рече Стоун (65), кој имаше операција за реконструкција на градите во 2001 година, откако лекарите отстранија бенигни тумори.
Во ноември минатата година открила дека ѝ била поставена погрешна дијагноза и дека ѝ била направена неправилна процедура, што ѝ предизвикало уште поголема болка од порано. Таа потоа побарала второ мислење откако открила дека има голем фиброиден тумор кој исто така барал операција. Во еден момент, додека ги мотивирала присутните да донираат пари, актерката не можеше да ги задржи солзите.
– Знам дека не е лесно да праќаш СМС порака за да платиш пари, барем мене, јас сум идиот за технички работи, но можам да напишам чек. А сега е и храброст затоа што знам што се случува. Само што изгубив половина од парите поради ситуацијата со банката, а тоа не значи дека не сум тука, рече таа, мислејќи на колапсот на банката во Силиконската долина.
Акциите на банката беа погодени, а пошироките пазари беа потресени од стравувањата за ситуацијата дури и откако регулаторите презедоа чекори да ги задржат последиците од неуспехот на банката и да избегнат домино ефект. Американскиот претседател Џо Бајден претходно оваа недела им рече на инвеститорите дека нивните пари се безбедни. Тој, исто така, се обиде да ги увери Американците дека банкарскиот систем е безбеден, додавајќи: „Вашите депозити ќе бидат таму кога ќе ви бидат потребни, а нивните вредни вработени исто така можат полесно да дишат“.
Sharon Stone on health scare when she was told she had breast cancer. “I went to the hospital saying, ‘If you open me up and it’s cancer, please take both my breasts’ because I am not a person defined by my breasts. That might seem funny coming from me since you’ve all seen ‘em.” pic.twitter.com/YTr17fB8jD
— Chris Gardner (@chrissgardner) March 17, 2023
На самиот крај од својот говор Стоун зборуваше за нејзиниот брат Патрик, кој почина минатиот месец на 57-годишна возраст од срцеви заболувања.
– Брат ми штотуку почина, а тоа не значи дека не сум тука. Ова не е лесно време за никој од нас. Ова е тешко време во светот, но ќе ви кажам што, не сакам некој политичар да ми кажува што можам, а што не можам. Како можам и не можам да живеам и која е вредноста на мојот живот, а што не. Затоа станете. Станете и кажете колку вредите. Ве предизвикувам. Тоа е храброста“, заклучи таа и предизвика овации низ целата сала.
