Шек нема дилеми: Коби во иста реченица со Џордан и Леброн како еден од најдобрите

Некогаш најдоминантниот центар во НБА лигата Шекил О’Нил смета дека Коби Брајант би требало да се спомнува со имињата на Мајкл Џордан и Леброн Џејмс во дебатите за најдобар кошаркар на сите времиња.

Во изминатите години често се правеа споредби меѓу Џордан и Леброн и голем број поранешни кошаркари и новинари го изнесуваа своето мислење за тоа кој е најдобриот кошаркар на сите времиња.

Меѓутоа, Шек смета дека тука треба да се најде и името на трагично загинатата легенда на Лос Анџелес Лајкерс Коби Брајант.

„Коби имаше фантастичен заклучок. Сите гледаме во играчите кои играле пред нас и од секој земаме по нешто. Јас сакав под кошот да бидам како Патрик Јуинг, да трчам по паркетот како Дејвид Робинсон и да доминирам како Вилт Чемберлејн“, изјави Шек и додаде:

„Многумина се прашуваат кој е најдобриот кошаркар на сите времиња: Џордан? Леброн? Со сета почит морате да го додадете и Коби во таквите дебати“, изјави Шек.

Коби и Шек заедно освоија три прстени во ЛА Лејкерси, а Коби потоа додаде уште два во својата колекција.

Легендарниот кошаркар трагично го загуби својот живот во хеликоптерската несреќа која се случи на 26 јануари во Лос Анџелес. Имаше само 41 година.

Related Articles

Leave a Reply

Your email address will not be published. Required fields are marked *