Чех во потрага по замена за Кепа, тројца голмани во игра

Челзи веќе направи одлична работа во преодниот рок со трансферите на Хаким Зијех и Тимо Вернер, но тука не е крајот на летните купувања на „Стемфорд Бриџ“.

„Бомба“ на летото би било доаѓањето на Каи Хаверц од Леверкузен, а Френк Лампард сака и нов голман. На својот некогашен соиграч Петр Чех, кој денес е функционер во клубот, му побарал да му најде нов голман, бидејќи веќе не сака да го гледа Кепа Аризабалага во клубот. Најскапиот голман на сите времиња уште кон средината на сезоната го загуби стартерското место од ветеранот Вили Кабаљеро, но подоцна Лампард го врати на голот. Аризабалага на „Стемфорд Бриџ“ ја загуби довербата веќе во дебитантската сезона кога дојде до конфликтот со Сари, а ниту Лампард не е негов голем фан. Валенсија и Севиља се заинтересирани да го вратат Шпанецот во татковината, така што разделбата е извесна.

Изборот на неговиот наследник е намален на три имиња кои ги препорачува Чех. Лампард најмногу би сакал да го доведе Дин Хендерсон, младиот голман кој веќе две години блеска на позајмицата од Манчестер Јунајтед во Шефилд и стана еден од најдобрите голмани во Премиер лигата. На „Олд Трафорд“ нема иднина покрај Де Геа иако е во подобра форма од Шпанецот, а ниту на „Црвените ѓаволи“ не им се исплати таков голман да чуваат на клупата и да му ја убиваат цената. Особено што договорот му истекува за две години и ова е најдобриот момент да заработат од него. Шефилд нема пари за да го откупи Хендерсон бидејќи се претпоставува дека цената ќе биде висока, а Челзи чека одговор од „Олд Трафорд“ за парите кои ќе бидат потребни за негов ангажман.

Ако не го доведат Хендерсон, опција Б за Челзи е Андре Онана од Ајакс кој ги стекна сите услови да направи голем трансфер во кариерата. Камерунецот е еден од оние играчи на кои директорот Овермарс им рече дека можат да си одат ако некој ја плати бараната цена. Таа цена во неговиот случај е 30.000.000 евра и тоа за Челзи не е никаков проблем.

На крајот тука е и малку познатиот, но одличен турски голман Угурчан Чакир од Трабзон, еден од најзаслужните што клубот од брегот на Црното море се бори за шампионската титула во Турција. Тој зимоска се споменуваше и како желба на Ливерпул бидејќи Клоп го виде како алтерантива за Алисон, но тие преговори се одложени за на лето. Извесно е дека Чакир ќе го напушти Трабзон ова лето и ако стигне понуда од Челзи, нема многу да се мисли.

Related Articles

Leave a Reply

Your email address will not be published. Required fields are marked *