МАКЕДОНСКИ КРАЛЕВИ
Цар Самоил (958 – 1014)

Цар Самоил или цар Самуил (958 – 6 октомври 1014) — македонски владетел кој на преминот од X кон XI век формирал пространо царство на територијата на Балканскиот Полуостров. Во брак бил со Агата имала четири ќерки (?, Катун Анастасија, Мирослава и Теодора Косара) и синот Гаврило Радомир.

Државата која ја создал е позната како Самуилово Царство, а еден дел од историчарите, за да направат јасна разлика помеѓу новата држава која ја создал Самуил и царството на бугарскиот цар Симеон I (Прво Бугарско царство), го нарекуваат Македонско словенско царство,
Македонските историчари го именуваат Самоил како македонски цар, истакнувајќи дека тој учествувал во бунтот на комитопулите 969 година, кога била отфрлена бугарската врховна власт во Западна и Југозападна Македонија и биле поставени темелите на македонската средновековна држава, која по него е именувана како Самуилово Царство, најголема ранофеудална државна творба на Балканот. Во негово време македонската средновековна држава го достигнала врвот во својот развиток.
Учествувал во востанието на комитопулите против византиската власт во 976 година. Во почетокот владеел заедно со своите браќа Давид, Мојсеј и Арон, а по загинувањето на Давид и Мојсеј владеел заедно со брат му Арон, но по ликвидирањето на Арона, станал единствен владетел во државата во 986 година.

Водел долга и исцрпувачка војна со византискиот император Василиј . Учествувал во сите позначајни битки и походи против Византија и далеку ги проширил границите на државата. Ги обединил под своја власт речиси сите македонски територии (освен Солун), освоил голем дел од Балканскиот Полуостров (Тесалија, Епир, Албанија, Далмација, Босна, Србија и поголем дел од Бугарија).
Според некои извори се прогласил за цар, со круна што му ја испратил римскиот папа. Како формално-правен наследник на македонските цареви.
Починал во Преспа од срцев удар, потресен од морничавата глетка кога ги видел своите ослепени војници што му ги испратил Василиј. Бил оженет со византиската благородничка Агата од Драч, со која имал четири ќерки и синот Гаврил Радомир. Зачуван е неговиот натпис (992/3), во спомен на родителите и на братот Давид.
На 28 јуни 2011 година на централниот плоштад во Скопје бил поставен монументален мермерен споменик на Самоил.
МАКЕДОНСКИ КРАЛЕВИ
Персеј (179-168)

Персеј — бил последниот крал на Македонија од Антигонидската империја и последен наследник на Македонската Империја.

Филип V наредил да се погуби неговиот проримски настроен син Деметриј. Персеј бил љубоморен на успехот на Деметриј како амбасадор во Рим и го убедил татка си да го отруе како потенцијален узурпатор. Римјаните го поддржувале Деметриј, па така убиството на брата си не се покажало позитивно кај Римјаните.
Една од првите одлуки по доаѓањето на престолот било обновувањето на мировниот договор со Рим. Но сепак останатите постапки на Персеј им задавале потешкотии на Римјаните. Ова било неговото мешање во работите на соседните држави, вооружената посета на Делфи, избегнувањето на римските амбасадори во Македонија, како и неговите династички бракови.
Наскоро Рим завојувал со Персеј во т.н. Трета македонско-римска војна (171-168 п.н.е.). Иако Персеј отпрво бил успешен, војната завршила по неговото предавање на римскиот генерал Луциј Емилиј Павле Македоник по решавачкиот пораз во битката кај Пидна и тој бил затворен во Рим. Антигонидското царство се распаднало и било заменето со четири републики. Андриск ја ослободил Македонија од Римјаните во времетраење од една година, но бил поразен во 148 п.н.е.. Во 146 п.н.е. четирите републики се распаѓаат и Македонија официјално станува римска покраина.

Во јуни 2005 е пронајдена гробницата на Персеј долж патот Вија Валерија близу Маљиано де’ Марси (Л’Аквила) од страна на претставници на италијанското министерство за култура и македонска археолошка делегација.
МАКЕДОНСКИ КРАЛЕВИ
Филип V (221-179)

Филип V — крал на Македонија од династијата на Антигонидите. Син е на Деметриј II. Роден е околу 238 г. п.н.е. и имал едвај 9 години кога татко му умрел.
Бидејќи Филип бил премногу млад за да извршува кралската функција, бил заменет од неговиот роднина Антигон Досон кој владеел како регент. Кога умрел регентот тој станал крал. Кога станал крал првин тој успешно ги одбил нападите на Дарданците и со тоа ја обезбедил северната граница на Македонија
Главна карактеристика на општествената војна е тоа што Филип успешно ги разделил Грците со тоа што ги завојувал Спартанците со претставниците на Хеленската лига која што ги штитела интересите на Македонија, а со самото тоа што ги разделил ја зголемил својата доминација во Грција.
Во Првата македонско-римска војна, Филип сакал мкедонското влијание да го прошири и на јадранското крајбрежје. Првин ги нападнал Римските поседи во Илирија од морето, а потоа од копно, по што успешно го освоил градот Лис. По минималните успеси што ги направил во Илирија, тој направил сојуз со Ханибал каде што се договориле Филип на Ханибал да и испрати помош.
Римјаните пак ја осетиле опасноста па Филип, и нивниот одговор бил нападот на Етолската лига и на римскиот сојузник Атал од Пергамон, со што Филип бил спречен да испрати помош на Ханибал, по што потоа Римската Република и Македонија потпишале мировен договор во Фојника, град во Епир.
Откако Скипион Африканецот го поразил Ханибал кај битката кај Зама, Римската Република веќе станала господар на Средоземјето, па така се спремале за реванш со Македонија. Македонија пак, значително зајакната и проширена особено кај Егејот и Хелеспонт. Најпрвин била нападната од западната страна, но македонската армија успешно го одбила нападот. Потоа Римјаните заедно со сојузниците маршираат од Етолија се до Тесалија каде што дошло до решавачка битка кај Киноскефале, каде што Македонците биле поразени, а со самото тоа Македонија била принудена на отстапки од својата флота, војската да ја намали на 5000 луѓе, но најболно им било тоа што биле принудени да се откажат од доминацијата во Грција.
Моќта на Филип била уништена, но тој сепак не се откажувал. Тој своите 5000 луѓе ги заменувал по здобиената војничка обука со што така ја зголемил својата војска без да го прекрши договорот со Рим. Тој исто така Филип V го отрул својот син Деметриј бидејќи бил обвинет за проримска политика, а неговиот син Персеј го наследил.
МАКЕДОНСКИ КРАЛЕВИ
Деметриј II ( 239-229 )

Деметриј II, син на Антигон II Гоната, владеел како крал на Македонија од 239 до 229 п.н.е. Ѝ припаѓал на династијата Антигониди.
Уште додека татко му бил жив, Деметриј се истакнал поразувајќи го Александар II Епирски во Дердија, и така ја спасил Македонија ( 260 п.н.е.). Кога станал крал морал да се соочи со сојузот на двете големи лиги против Македонија, Ајтолската и Ахајската, кои обично биле спротиставени. Успеал да му нанесе големи порази на сојузот, и ја извадил Беотија од сојузот. Револуцијата во Епир, во која републиканската лига била заменета со монархија, многу ја ослабнала неговата позиција.
Деметриј исто така морал да ја брани Македонија од дивите народи од северот. Битката со Дарданците се покажала катастрофална, и тој умрел накратко потоа, оставајќи го синот Филип, од жената Крисеја, кој сѐуште бил дете.
-
Вести1 month ago
ШОКАНТНО ОКТРИТИЕ! Научно докажано: Македонците се првите луѓе во Европа
-
ЕНЦИКЛОПЕДИЈА4 weeks ago
ЗА НИВ БИЛ МАКЕДОНЕЦ: Комити кои го преживеале Илинден во 1960 година му оддаваат почит на Пиринскиот цар Јане Сандански
-
ЕНЦИКЛОПЕДИЈА2 months ago
Портрет на прилепско семејство од 1793 година ја ништи бугарската и грчката пропаганда против Македонците
-
НА ДЕНЕШЕН ДЕН4 weeks ago
Во Влахи во Пиринска Македонија е роден македонскиот револуционер, Пиринскиот цар, Јане Сандански
-
ЕНЦИКЛОПЕДИЈА1 month ago
Германскиот историчар Лоникер во 1578 година ги наведува Македонците како засебен народ
-
Вести2 months ago
ЛАВРОВ НАВОДНО ЈА „ПОПАРИЛ“ ГРЦИЈА: ВРШИТЕ ТЕРОР КОН МАКЕДОНЦИТЕ И МАКЕДОНИЈА А НАС ЌЕ ТИ ПРЕДАВАТЕ ДЕМОКРАТИЈА?
-
Вести1 month ago
МАЈМУНСКА СИПАНИЦА– ДАЛИ ЗАПОЧНУВА НОВА ПАНДЕМИЈА?
-
ЕНЦИКЛОПЕДИЈА2 months ago
ГЕРМАНСКА МАПА ОД 1940-ТА: Македонците во Македонија претставени како засебен мнозински народ, Бугари немало ни за бугарските сојузници