Принцот Хари и Меган Маркл се заедно во Велика Британија за прв пат по две години, воодушевено пренесуваат тамошните медиуми. Славниот пар кој ја шокираше планетата со „разделбата“ од кралското семејство, не се заедно во земјата со која владее семејството на Хари од 2020 година.

Принцот Хари и Меган Маркл се во тајна посета на Британија со цел конечно да ги израмнат нарушените семејни односи, а не се знае дали ги зеле децата Арчи и Лилибет. Кралицата Елизабета Втора никогаш не ја запознала ќерката на поранешниот принцски пар.

Меган не зачекорила во Британија по драматичното заминување од кралското семејство кое, меѓу другото, го обвини и за расизам. Принцот Чарлс наводно финансиски го „отсекол“ и помалиот син од семејството. Хари не бил во Британија од погребот на принцот Филип минатиот април, а во меѓувреме поднесе тужба бидејќи смета дека треба да ја задржи полициската заштита иако повеќе не е член на кралското семејство.

Хари и Меган останале во замокот Фрогмор само еден ден за да разговараат со семејството, а веќе продолжиле и во Холандија каде ќе присуствуваат на спортскиот настан Invictus. Станува збор за натпреварување на спортисти кои се поранешни војници, ранети во службата, кое Хари го дизајнираше и започна пред неколку години.

LEAVE A REPLY

Please enter your comment!
Please enter your name here