Украинскиот репрезентативец Михајло Мудрик често преку социјалните мрежи ги информира обожавателите за секојдневните активности, а сега посебно внимание привлече една од неговите стори на Инстаграм.
Мудрик вчера објави приказна во која се гледа како се одмара во својот стан додека го гледа натпреварот на ТВ, но британскиот блогер Клајв Мартин одеднаш здогледа книга на масата.
И сите веднаш беа изненадени од изборот на фудбалерот – Мудрик ја чита или можеби ја прочитал книгата на Наоми Клајн наречена „Шок доктрина: Подемот на деструктивниот капитализам“.
Книгата е објавена во 2015 година, а во нејзиниот опис стои дека станува збор за „бруталната вистина за современиот светски поредок, приказната за тоа како американската „слободна пазарна економија“ го зазема светот.
На социјалните мрежи следеа различни реакции поради тоа што Мудрик ја чита гореспоменатата книга, а еден коментар гласеше: „И отиде во Челзи – најлошиот капитализам досега“.
Мудрик оваа зима пристигна во Челзи од Шахтјор како големо засилување. Тој потпиша огромен договор на осум и пол години, иако претходно беше многу блиску до трансфер во Арсенал.
Лондонскиот клуб за него плати околу 100 милиони евра и големи се очекувањата од 22-годишниот фудбалер кој се уште го чека дебито во дресот на лондонскиот тим.
