Ансу Фати се уште е многу далеку од своите први сезони во Барселона за што „најзаслужни“ се повредите, но сепак и натаму е значаен дел од каталонскиот тим.
Чави се обидува на сите начини да го врати во форма, но тоа тешко оди. На вчерашниот тренинг, младиот напаѓач доживеал повреда на коленото, но за негова среќа, таа не е многу сериозна. Фати нема да игра на утрешниот меч против Алмерија, но би требало да биде подготвен за првиот полуфинален дуел од Копа дел Реј, против Реал Мадрид.
Сезонава Фати одигра 21 натпревар во шпанското првенство, но има само три постигнати гола: против Сосиедад (победа од 4-1), Кадис (4-0) и Виљареал (3-0). Интересно е тоа што трите гола се постигнати во моменти кога Барса веќе имаше комотно и убедливо водство.
