Фановите задоволни: На новиот тренер на Барселона идол му е Јохан Кројф

Ернесто Валверде вчера и официјално ја заврши својата мисија во Барселона. Поразот од Атлетико Мадрид во полуфиналето на шпанскиот Суперкуп и покрај добрата игра, беше клучниот фактор за управата конечно да му врачи отказ на Валверде.

Управата веднаш тргна во интензивна потрага по негов наследник, се обидоа да го вратат Чави на „Камп Ноу“, но легендарниот фудбалер е подготвен да седне жешкото столче дури на крајот од сезоната.

Неможејќи да го чекаат, челниците го поставија Кике Сетијен за нов тренер и човек кој треба да ги реши проблемите на Барселона. Сетиен потпиша две ипол годишен условен договор, кој може да биде раскинат и на крајот од оваа сезона или на крајот на идната сезона во зависност од резултатите со што се отвора можноста на лето Чави или Роналд Куман да седнат на клупата.

Втора причина за задоволство кај навивачите од новиот тренер е тоа што идол на Сетиен му е легендата на Барселона и креаторот на позната младинска школа Ла Масија, Јохан Кројф. Тие се надеваат Кике Сетиен ќе ја врати препознатливата игра на Барселона, да победува со стил и со убава за око игра. Надежите се дека со повредата на Луис Суарез ќе се врати препознатливата „тики-така“ игра.

The post Фановите задоволни: На новиот тренер на Барселона идол му е Јохан Кројф appeared first on Слободен печат.

Related Articles

Leave a Reply

Your email address will not be published. Required fields are marked *