Наполи сезонава е фантастичен на сите фронтови, а тоа мора да биде наградено.
Денеска Наполи ја извести светската јавност дека го продолжуваат договорот со тренерот Лучијано Спалети, од кого се многу задоволни и со кого веројатно ќе освојат титула во Серија А.
Спалети има опција да го продолжи договорот кој го потпиша во 2021 година кога ја презема екипата, на уште една сезона и тоа веројатно ќе биде продолжено.
Наполи е брилијантен сезонава, тие се први на табелата во Серија А, имаат предност од 15 бодови пред Интер, а се блиску и до четвртфиналето во Лигата на шампионите.
„Наполитанците“ во првиот натпревар обезбедија победа од 2:0 нагости кај Ајнтрахт Франкфурт, па реваншот им е на домашен терен во Неапол.
