Манчестер Јунајтед успеа да ги задоволи своите фанови со елиминацијата на Барселона.
По првиот натпревар во Барселона (2:2), се случи натпреварот на Олд Трафорд, каде Јунајтед победи со 2:1 и се пласира во осминафиналето од Лига Европа.
По натпреварот, Тен Хаг потенцира дека е задоволен од изведбата на своите фудбалери, но попатно призна дека имал играч кој бил задолжен да го маркира Френки де Јонг и кој го нарече „комарец“ бидејки му бил прилепен на споменатиот фудбалер од Барселона.
„Ја заслуживме победата, фудбалерите ја одработија. Фред на овој натпревар имаше посебна улога, неговата задача беше да го запре Френки Де Јонг. Тој имаше како задача да не му дозволи да игра на терен. Му беше прилепен на Де Јонг, како вистински комарец, тоа го одработи фантастично“, порача Ерик Тен Хаг.
Од друга страна, Чави Ернандез е разочаран од поразот, но смета дека и покрај поразот, заслужиле повеќе од тој резултат.
