Србија ја отповика својата амбасадорката од Скопје

Промените во дипломатијата на Република Србија не ја заобиколија ниту мисијата во Република Македонија, со отповикувањето на амбасадорот Душанка Дивјак Томиќ, со указ од претседателот Александар Вучиќ на 24 септември, објавено е во Белград. Душанка Дивјак Томиќ на должноста амбасадор на Република Србија во Република Македонија е од 29-ти ноември 2013-та година. Во Мисијата во Скопје е од 2010 година, како заменик-амбасадор, министер советник. Во последните два месеци, вкупно 12 српски амбасадори се повлечени од своите позиции во дипломатските претставништва ширум светот. Последен во низата е повлечен Миомир Удовички, шеф на мисијата на НАТО во Брисел, со указ на претседателот од 4 ноември, кој стапи на сила од 15 ноември. Амбасадорот Раде Булатовиќ беше отповикан од дипломатската мисија на Србија во Киев, а пред неколку месеци се споменуваше како нов амбасадор во Скопје.

Related Articles

Leave a Reply

Your email address will not be published. Required fields are marked *