Сите полудеа по асистенцијата на Бензема, а Суарес даде таков гол сезонава

Магично беше додавањето на Карим Бензема со Каземиро на синоќешниот натпревар против Еспањол иако и за него и за навивачите на Реал поважни се трите бода што ги освои лидерот на табелата, а со кои се доближи уште повеќе до шампионската титула.

Цел ден на сметка на Французинот има беседи како тој е најинтелигентниот напаѓач во светот, како во секое време знае каде е секој негов соиграч и како неоправдано, во времето на Роналдо, бил запоставуван и постојано во втор план.

Јавноста заборавила дека оваа сезона, Луис Суарес, за кого многумина сакаат да кажат дека е „испукан куршум“ на сличен начин не додаде, туку постигна гол. Во дуелот со Мајорка, Уругваецот го реализира можеби најатрактивниот погодок во сезоната кога со пета го совлада противничкиот голман во победата на Барса со 5-2.

Суарес не играше долго време поради повреда, а сепак е трет стрелец и втор асистент во Ла Лига во моментов.

Related Articles

Leave a Reply

Your email address will not be published. Required fields are marked *