Сетјен нема долго да трае: Барса со нов тренер во ЛШ

Многу веројатно Кике Сетјен ќе ја напушти клупата на Барса пред сите очекувања бидејќи соблекувалната веќе врие поради неговите тактички идеи.

Луис Суарес веќе го прозва по ремито со Селта по кое каталонскиот клуб е со минимални шанси да дојде до третата титула во низа. Се шпекулира дека Сетјен ќе биде на клупата уште 20 дена, односно до крајот на сезоната во Ла Лига. Потоа на негово место ќе дојде тренерот на Барса Б, Гарсија Пимиента со кого тимот ќе се бори за титулата во Лигата на шампионите.

Пимиента, како и Гвардиола и Виланова, е дете на Барселона во која работи од 2006 година. Претходно играше во Барса Б, а за првиот тим забележа само еден настап. Играчката кариера ја заврши прерано, на 30 години поради повреда и веднаш вплива во тренерски води.

И неговиот ангажман ќе биде привремен, само за Лигата на шампионите по што ќе се бара перманентно решение. Желбата на сите во клубот е Пеп Гвардиола, но својата шанса ја чека и Чави.

Related Articles

Leave a Reply

Your email address will not be published. Required fields are marked *