Рико напредуваше – вечерва ќе стартува од 13-то место на трката во Мисано

Како што е познато, Ристо Вуков Рико денешните квалификации во Мисано на стазата „Марко Симончели“ ги заврши на 14-то место во конкуренција на 23 автомобили, со време од 1:37.297 , односно со заостанување од 1.8 секунди зад првопласираниот.

Сепак единствениот македонски автомобилист во силниот Порше Карера ГТ3 Куп на Италија вечерва, на првата ноќна трка која започнува од 22:00 часот со директен пренос на МРТ3, ќе стартува со подобар пласман за една позиција.

Имено Рико ќе се најде на 13-то место на стартот со оглед на тоа што Емил Скараш кој денес заврши како 10-ти доби казна од четири позиции поради инцидент на претходната трка во Муџело.

Трката во Мисано на стазата „Марко Симончели“ започнува од 22:00 часот со директен пренос на МРТ3.

Редакцијата на „Спортклуб“ дозволува превземање на овој текст.

Related Articles

Leave a Reply

Your email address will not be published. Required fields are marked *