Вести
Ревизија откри низа неправилности во работењето на ЕСМ

Државниот ревизор со бројни забелешки за работењето на ЕСМ. Набавувал енергенси без потребни документи, недостасува попис на материјални и нематеријални средства, земјишта, залихи, фали систематизација на работни места, имотни листови за земјишта и градежни објекти. Имотен лист нема ниту Зградата на ЕСМ во ценатрот на Скопје.
Со преструктутирање од ЕЛЕМ во ЕСМ постои неусогласеност на главнината со запишаниот капитал во Централниот Регистар. Разликата е над 23 милиони евра, за која не биле доставени веродостојни и точни документи за причините зошто запишаната сметководствена вредност е зголемена. Ревизорот препорачува – Владата да преземе активности за усогласување на податоците прикажани во сметководствената евиденција на главнината.
Ревизорот утврдил дека во РЕК ОСЛОМЕЈ, при пописот биле прикажани залихи од 511 илјади килограми мазут, а во материјалната евиденција на крајот на годината била евидентирана количина од над 3 милиони килограми. Разликата од 2,5 милиони килограми, надминува вреднсот од над и милион евра.
Потрошени се и милионски суми за проекти кои никогаш не се реазлиарале, меѓу кои Бошков Мост и Луково Поле. Жичарата на Попова Шапка ЕЛЕМ ТУРС ја добил на користење без надомест.
Ревизорот утврдил дека за 10 години не е извршена модернизација на блоковите на РЕК Битола. Фирма од Германија била избрана, но откако целосно не си ја завршила рабоата, само за тужби, адвокати и контра тужби платени се над 20 милиони евра.
Ревизорот утврдил и дека компјутерската опрема е стара 20 години. И истата преставува висок разик за нормално функционирање. Дел од новиот софтер е набавен, но се уште не е ставен во функција.
Фото за вовед: YouTube видео: Категорија: БизнисНовинар: Наташа Мерсовска
Вести
НБ: Продолжува трендот на раст на плаќањата со платежни картички и е-кредитни трансфери

Граѓаните продолжуваат со зголемена употреба на дигиталните канали за вршење на плаќањата, а особено на употребата на платежните картички и мобилните апликации за електронско иницирање на кредитните трансфери и во првиот квартал од 2022 година, соопшти Народната банка.
Бројот на трансакции извршени во земјата со платежни картички издадени кај нас пораснал за 15,8 отсто на годишно ниво, додека вредноста на извршените трансакции пораснала за 13,2 процента. Забележан е годишен раст на бројот на плаќањата со платежни картички на физичките места на продажба за 19,5 отсто, како и годишен раст од 8,7 проценти на виртуелните (интернет) продажни места.
Кај кредитните трансфери, исто така, забележан е годишен раст, како кај бројот на трансакции, така и кај вредноста. Во првиот квартал од 2022 година, граѓаните извршиле 17 проценти повеќе плаќања преку кредитни трансфери, додека вредноста на трансакциите била повисока за 28,6 отсто.
Електронското банкарство и неговата употреба при иницирањето на кредитните трансфери, продолжува да расте и во првиот квартал од 2022 година. Електронски иницираните кредитни трансфери забележаа раст од 9,5 отсто на годишна основа. За извршување на плаќањата, граѓаните особено ги користеле мобилните апликации со кои извршиле над една половина од вкупниот број на електронски иницирани кредитни трансфери. Притоа, бројот на плаќањата извршени со мобилен телефон пораснал за 18,4 отсто на годишна основа. Истовремено, значително поумерен годишен раст со 1,7 проценти е забележан кај употребата на компјутерите за извршување плаќања.
Податоците за платежната статистика за првиот квартал од 2022 година се достапни на https://www.nbrm.mk/platiezhna_statistika.nspx.
Вести
Бислимовски тврди дека за 98,8 отсто од домаќинствата струјата ќе поскапи во просек за 7,4 отсто

Претседателот на Регулаторната комисија за енергетика Марко Бислимовски денеска уште еднаш повтори дека просечната цена на струјата за 98,8 проценти од домаќинствата ќе се зголеми за 7,4 проценти, а само оние 1,2 отсто кои трошат енормно, ќе плаќаат енормно.
– РКЕ воведе концепт на блок тарифи со цел да им се помогне на најранливи категории на потрошувачи, но да им се помогне и на домаќинствата што немаат друг избор и друг начин за греење освен електрична енергија и поради тоа блоковите ги проширивме само во висока тарифа до 1050 киловатчасови. Проверете во која било земја во регионот дали има толку високи блокови. Јас ви тврдам најодговорно и цврсто стојам позади тоа дека блоковите кои се определени во Македонија се највисоки во регионот, изјави Беслимовски, одоговрајќи на новинарско прашање на денешниот МЕФ Македонски енергетски форум 2022 што се одржува во Охрид.
Тој тврди дека кај 59,9 проценти од потрошувачите во зимскиот период зголемувањето ќе биде 6,6 проценти, кај 20-30 проценти ќе биде од 6,6 до 8,7, кај три проценти од 8,7 до 11,2 а кај тие што трошат многу ќе биде од 11,2 до 99-100 проценти.
– Во однос на читањето на броилата граѓаните да бидат сигурни дека на никој нема да му одговара да се одолговлекува читањето на броилото. Значи, првиот блок е 210 киловатчасови за пресметковен период од 30 дена. Доколку операторот на мрежата бил неодговорен и го прочитал броилото не за 30 туку за 300 денови за тој потрошувач првиот блок ќе биде 300 дена по 7 киловатчасови на дневно ниво ќе биде 2.100 киловатчасови. На граѓаните ќе им одговара дури и да не се чита толку редовно бидејќи блокот ќе се зголемува. Затоа ви кажувам, за 300 дена ако не се прочита броилото првиот блок не е 210 киловатчасови, туку е 2.100 киловатчасови. Значи, направен е концепт којшто постојано ќе прави притисок врз ЕВН да ги отчитуваат броилата. Колку се зголемува времето на отчитување толку секој блок се зголемува за тие денови, посочи Бислимовски.
РКЕ, според Бислимовски е назависно, и затоа очекува дека опозицијата нема постојано да врши притисок врз неа.
Тој очекува да нема криза ниту во снабдувањето со нафта и нафтени деривати.
– Во однос на нафтата ние сме стопроцентно увозна земја, 80-90 проценти ги увезуваме од Грција и според оние сознанија кои ги имаме, нема проблеми во Грција во однос на производството на сите нафтени деривати. За жал, на тие работи ние како држава не можеме да влијаеме. Сигурен сум дека ќе се направи се да нема енергетска криза во однос на снабдувањето со нафтените деривати, рече првиот човек на РКЕ
Вести
ДКСК ќе ја одржи 71-та седница

Државната комисија за спречување на корупцијата (ДКСК) денеска ќе ја одржи 71-та седница. На дневен ред, како што соопштија од ДКСК, е измена и дополнување на Упатството за рангирање на предметите за постапување на ДКСК по основ на доставени пријави бр. 03-2233/1 од 12 февруари 2021 година, како и работа по конкретни предмети.
-
Вести1 month ago
ШОКАНТНО ОКТРИТИЕ! Научно докажано: Македонците се првите луѓе во Европа
-
ЕНЦИКЛОПЕДИЈА4 weeks ago
ЗА НИВ БИЛ МАКЕДОНЕЦ: Комити кои го преживеале Илинден во 1960 година му оддаваат почит на Пиринскиот цар Јане Сандански
-
ЕНЦИКЛОПЕДИЈА2 months ago
Портрет на прилепско семејство од 1793 година ја ништи бугарската и грчката пропаганда против Македонците
-
НА ДЕНЕШЕН ДЕН4 weeks ago
Во Влахи во Пиринска Македонија е роден македонскиот револуционер, Пиринскиот цар, Јане Сандански
-
ЕНЦИКЛОПЕДИЈА1 month ago
Германскиот историчар Лоникер во 1578 година ги наведува Македонците како засебен народ
-
Вести2 months ago
ЛАВРОВ НАВОДНО ЈА „ПОПАРИЛ“ ГРЦИЈА: ВРШИТЕ ТЕРОР КОН МАКЕДОНЦИТЕ И МАКЕДОНИЈА А НАС ЌЕ ТИ ПРЕДАВАТЕ ДЕМОКРАТИЈА?
-
Вести1 month ago
МАЈМУНСКА СИПАНИЦА– ДАЛИ ЗАПОЧНУВА НОВА ПАНДЕМИЈА?
-
ЕНЦИКЛОПЕДИЈА2 months ago
ГЕРМАНСКА МАПА ОД 1940-ТА: Македонците во Македонија претставени како засебен мнозински народ, Бугари немало ни за бугарските сојузници