Дојде време Серхио Рамос да ја заврши својата репрезентативна кариера.
Рамос ја извести јавноста дека е разочаран што му пресудиле годините (36), а не квалитетот.
„Дојде време да се простам од репрезентацијата на Шпанија. Утрово ми се јави актуелниот селектор и ми рече дека веќе не смета на мене и дека нема да смета на мене во иднина, без оглед за која екипа ќе настапувам. Со големо жалење ја примив веста. Тоа е крај на патот за кој се надевав дека ќе биде долг и дека ќе заврши со подобар вкус во устата“, порача Серхио Рамос.
Тој за репрезентацијата на Шпанија играше од 2005 година, одигра 180 натпревари и постигна 23 голови. Освои две европски титули со Шпанија и едно Светско. На СП во Катар не беше повикан од селекторот.
