www.Mreza.Mk - Агрегатор на вестиwww.Mreza.Mk - Агрегатор на вести
Aa
  • Насловна
  • Вести
    • Црна хроника
    ВестиПрикажи повеќе
    Тешка сообраќајна несреќа кај МОН
    Прочитај за 0 минути
    Делегација од Кабинетот на претседателот положи цвеќе пред Споменикот на бранителите
    Прочитај за 0 минути
    Герасимовски: Завршени 60 отсто од реконструкцијата на „Ленинова“
    Прочитај за 1 минути
    Со туѓ пасош се обиделе да поминат на Табановце
    Прочитај за 1 минути
    Спасовски: Заврши времето на двојните стандарди, битката против криминалот не трпи селективност
    Прочитај за 3 минути
  • Спорт
    • Авто Мото
    • Фудбал
    • Тенис
    • Кошарка
    • Ракомет
  • Занимливости
    • Сцена
    • Живот
    • Магазин
    • Здравје
    ЗанимливостиПрикажи повеќе
    Ѕвездата на Марвел уапсена поради напад на жена
    Прочитај за 1 минути
    Први фотографии со Лејди Гага како Харли Квин во „Joker“: „Облечена да убие“
    Прочитај за 1 минути
    Канје Вест тврди дека повеќе не е антисемит – Се „преобратил“ откако изгледал познат филм
    Прочитај за 2 минути
    Хари Потер станува татко – Вечер
    Прочитај за 1 минути
    Фото: Кендал Џенер во тесен фустан
    Прочитај за 1 минути
  • Технологија
    • Интернет
    • Наука
    ТехнологијаПрикажи повеќе
    Дел од сценариото за серијата „Јужен парк“ ќе го пишува вештачка интелигенција
    Прочитај за 2 минути
    На некои места ширум светот, „селфито“ е забрането
    Прочитај за 3 минути
    Криминалците користат интернет од „Старлинк“ за нелегално рударење во Бразил
    Прочитај за 2 минути
    Кои земји го забранија „Тик-ток“ и зошто?
    Прочитај за 4 минути
    Алатки на вештачката интелигенција што можат да ја зголемат вашата продуктивност на работното место
    Прочитај за 5 минути
  • Историја
    • Античка Македонија
    • Македонски Кралеви
    • Енциклопедија
    • Хронологија
    • Легенди
    • На денешен ден
    ИсторијаПрикажи повеќе
    Битка кај Пидна, 168 п.н.е.
    Прочитај за 18 минути
    НА ДЕНЕШЕН ДЕН: Во Сан Стефано е склучен мировен договор по Руско-турската војна со кој Русија на Бугарија и ја подарува Македонија
    Прочитај за 13 минути
    Со заладени односи тешко ни е да работиме спокојно за чествување на било која личност не само за Гоце Делчев
    Прочитај за 4 минути
    Битката кај Херонеја
    Прочитај за 2 минути
    Познати изреки на Александар III Македонски
    Прочитај за 14 минути
  • Охридската Архиепископија
    • Архиепископи
    • Библија
    • На денешен ден
    Охридската АрхиепископијаПрикажи повеќе
    ДЕНЕСКА Е СВ. 12 МАЧЕНИЦИ: Сите беа убиени, а со нив и момчето Порфириј, кое побара да ги погребе
    Прочитај за 2 минути
    Денеска е Прочка, ден за простување
    Прочитај за 2 минути
    ДЕНЕСКА Е СВЕТИ ГЕОРГИЈ КРАТОВСКИ: Македонец од Кратово, по занает бил златар, а во срцето и со сета душа бил христијанин
    Прочитај за 1 минути
    ПРОЧКА – ВЕЛИКИ ПОКЛАДИ – Седум недели пред Велигден – Празник на проштевање и очистување од гревовите
    Прочитај за 15 минути
    КАЛЕНДАР НА МПЦ: Денеска е Преподобен Мартинијан
    Прочитај за 1 минути
Вие читате: ПРОЧКА – ВЕЛИКИ ПОКЛАДИ – Седум недели пред Велигден – Празник на проштевање и очистување од гревовите
Сподели
Aa
www.Mreza.Mk - Агрегатор на вестиwww.Mreza.Mk - Агрегатор на вести
Search
  • Насловна
  • Вести
    • Црна хроника
  • Спорт
    • Авто Мото
    • Фудбал
    • Тенис
    • Кошарка
    • Ракомет
  • Занимливости
    • Сцена
    • Живот
    • Магазин
    • Здравје
  • Технологија
    • Интернет
    • Наука
  • Историја
    • Античка Македонија
    • Македонски Кралеви
    • Енциклопедија
    • Хронологија
    • Легенди
    • На денешен ден
  • Охридската Архиепископија
    • Архиепископи
    • Библија
    • На денешен ден
Have an existing account? Најавете се
Follow US
На денешен ден

ПРОЧКА – ВЕЛИКИ ПОКЛАДИ – Седум недели пред Велигден – Празник на проштевање и очистување од гревовите

Објавено February 26, 2023
Сподели
Сподели

Марко Китевски Прочка претставува голем празник за македонскиот народ и со него се поврзани голем број обичаи и верувања. Очигледно е дека проштевањето е обичај востановен под влијание на црквата, додека огновите, гатањата, карневалите и сл. се остатоци од претхристијанските пролетни забави. Празникот Прочка или Велики Поклади, меѓу народот познат и како Проштени Поклади, спаѓа во најголемите христијански празници, според некои веднаш по Божик и Велигден. Овој празник доаѓа по неколкуте зимски празници како што се: Бадник, Божик, Водици, Св. Трифун и ги поврзува со поголемиот број пролетни празници како што се: Тодорова Сабота, Летник, Св. 40 маченици (Младенци), Благовештение, Цветници, Лазарева Сабота, Велигден, Ѓурѓовден и др. Со Прочка започнуваат и долгите Велигденски пости, период исполнет со многу обичаи и верувања, со многу одречувања и надежи за пречек на Христовото воскресение (Велигден) за причесна и идентификација со Спасителот Исус Христос. На Прочка се изведуваат богати обичаи како што се проштевањето (оттука и празникот го добил името), потоа амкањето, обредните огнови, богатата трпеза, гатањето за живот и среќа, обичаите за очистувањето од болви, вошки и други штетници итн. Очигледно е дека некои обичаи како што е на пр. проштевањето имаат христијанска основа, додека другите се остатоци од претхристијанските пролетни празнувања. Кога станува збор за празникот Прочка не смее да се изостават деновите што му претходат на овој празник. Една недела пред Прочка (поточно во саботата) е Задушница. Саботата пред Прочка во некои краишта на Македонија е познат под името Умрело дете за баничка, во други, само Дете за кора. Тоа е поврзано со легендата за некое сиромашко дете коешто гледајќи како богатите секој ден носат сукани јадења на фурната побарало од мајка му да му меси баничка. Мајка му, бидејќи немала брашно постојано го лажела дека следниот ден ќе му меси, а детето чекајќи и плачејќи умрело. За спомен на тој ден и на тоа дете останало на овој ден да се меси баничка, зелник или друга храна и да се раздава. Неделата пред Прочка се вика Месопусна или Месна недела, а некои ја викаат и Месни поклади зашто на тој ден се запокладува (односно се запостува) со месо, месни производи и свинска маст. Овој период од седум дена од Месни поклади до Прочка се вика и Сирна недела или Сирници поради тоа што во овој период се јадат млечни производи. Некои ја викаат и Бела недела. Според преданието на некој што умрел во текот на овие денови во забите му нашле месо што го сметале за причина за смртта. Оттогаш останало строго да се внимава во текот на Сирната недела да не се јаде месо. Од обичаите што се изведуваат на Сирни (Сирен) Понеделник интересно е канењето на ветерот да дојде преку летото кога е потребен за веење на житото. Имено тогаш се прави „топејнца“ и со кисело млеко или „маштејнца“ се носи на гумното, три пати се трча низ гумното со викање: „Ела ветре да јајме топејнца,/ в лето да дојш да вејме чејнца, / југу, југу, југу…“ Потоа храната се изедува до стежерот. Од Сирни поклади, односно од Прочка не се јадат и млечни производи со што започнуват големите, долги седум недели, Велигденски пости, што траат до Велигден. Обичајот проштевање тргнува од христијанското сфаќање за помагање и проштевање меѓу луѓето. Се верува дека на овој ден и небото и земјата се проштеваат, па тоа треба да го сторат и луѓето. Небото затоа што ѝ погрешило на земјата со громови, мразеви, поројни дождови и сл. бара прошка. И луѓето еден од друг бараат прошка за грешките. Притоа, секогаш помалиот бара прошка од постариот, децата од родителите, крштеникот од кумот, а се проштеваат и пријатели, роднини, соседи итн. Откако три пати ќе се поклони помладиот му вели на постариот: „Прости ми!“, на што овој одговара: „Простено да ти е и од мене и од Господа“, или само: „Просто да ви е“. Во некои краишта на Македонија тој што барал прошка носел некаков подарок како портокал, лимон, суво грозје, алва, јајце и др. и во таа смисла во некои краишта портокалот останал како симбол на проштевањето. Во населените места посебен впечаток во вечерните часови на овој ден остава раздвиженоста на населението, кога многумина во групи брзаат да се простат со родителите, роднините, пријателите, а потоа да се најдат покрај богатата трпеза. Останало забележано дека и младите вљубени се проштевале на чешмата со по некој бакнеж, зашто за време на Велигденските пости и бакнувањето се сметало за грев. Во Велес, при проштевањето на жената се давало портокал, а на мажот лимон. Во овој град на овој празник се правеле сурати односно се маскирале и оделе по куќите во групи од по дванаесет души во кои имало: момче, невеста, дедо, ѓавол, доктор, благар итн. Благарот го собирал благото со кое биле дарувани по куќите. Амкањето е интересен обичај кој особено на децата им причинувал голема радост. Се изведувал на тој начин што едно варено бело јајце се прободувало со игла, потоа низ него се провирал конец (некаде конопен во други места памучен) кој се врзувал за урката, за таванот или за синџирот од огништето. Најстариот човек во куќата, најчесто домаќинката го држела конецот (урката и сл.) и сите почнувајќи од постарите амкале, обидувајќи се да го лапнат јајцето, но без при тоа да се послужат со рацете. Само на помалите деца им се дозволувало да се послужат со рачињата. Велат, чинело човек барем со забите да го допре јајцето за да му бидат бели и здрави. Ако некој го лапнел јајцето, му го давале да го изеде, а амкањето продолжувало со друго. Во Мариово кога тој што амкал ќе речел: „Ам!“, домаќинот го прашувал: „Што амкаш?“, на што тој одговарал: „Амкам за здравје!“ При лупењето на јајцето се внимавало еден дел од лушпата да остане поцелосен, а потоа од него сите пиеле вода велејќи: „За крто душа!“, што значи кртовите што се наоѓале во нивните или бавчите да умрат или барем да минат во туѓ синор. Во Дебарца, според обичаите и верувањата што ги забележавме, притоа се велело: „Таму му гробнина, таму му столнина!“, што имало исто значење. Во некои краишта од Македонија сите пиеле вино од белката на јајцето, а лушпите ги фрлале во соседниот двор, за и болвите да прејдат кај соседите. Во Скопје, како и во Воден, Битола и други места амкале најпрвин со пита, потоа со јајце и на крајот со алва. По амкањето со конецот на кој било врзано јајцето се гатало за живот на старите луѓе во селото. Се споменувало некое име на стар човек и се запалувал конецот. Ако подолго време горел со пламен, ќе живеел долго, ако веднаш угаснел ќе умрел во таа година. Во некои места вака се гатало само за старите луѓе, во други за секој член од семејството. Величествен впечаток оставаат големите обредни огнови, кои се палат вечерта на овој празник. Во Штип, Радовиш, Гевгелиско и некои други места овој оган се викал Голема Ора-копа, за разлика од Малата Ора-копа, огнот што се палел една недела порано. Големата Ора-копа се изведувала посвечено од малата, со поголеми огнови, со повеќе деца, со повеќе песни итн. Важно е за овие огнови што децата ги прескокнуваат со верување дека ќе се очистат не само од болви, вошки и други паразити, туку и од негативните демони, но најповеќе од гревовите. Во Разлошко овој оган се вика Гаро. Целото попладне децата го подготвувале Гарото, а уште пред да го запалат девојките пееле: Јунак стрелба стрелаше, стрелите му падаа, на момини дворове. Мома двори метеше, и си стрели береше. Јунак и се молеше: ‒ Дај ми моме стрелите, ќе ти одам прстенче! По запалувањето на Гарото, вечерта, девојките играле оро без песни, а момчињата го прескокнувале Гарото, играле и пукале од пиштоли. Повозрасните момчиња фрлале стрели, наречени самострели кон куќите на девојките што ги сакале. Стрелите ги правеле од борова срцевина, натопена со боров катран, на врвовите му лепеле боров катран од колите, потоа ги запалувале од Гарото и така ги фрлале кон куќите на саканите девојки. Во Банско овој оган се викал Стрелачка и околу него не се играло оро. Д. В. Македонски забележал кон крајот на 19-тиот век дека во селата Емборе, Дебрец и Палиор во егејскиот дел на Македонија децата, исто така, правеле голем куп од дрва, смреки и слама, наречен Ерле и навечер на празникот го палеле со пукање од пушка или пиштол. Ако тоа не успеело дури тогаш го палеле со оган. Околу него пееле, а потоа запален сноп слама (ʼржаница) носеле дома со верување дека летото нема да има болви. Вакво Ерле правеле децата од секоја маала и се натпреварувале чие ќе гори последно. Во Струга, како што е запишано во зборникот на браќата Миладиновци, се изведувал обичајот наречен Лапрди. „На Поклади вечерта децата играет околу црков со лапрди. Лапрди сет дрʼгови, не толку дʼлги, на врхот расцепени и в цепот накладено сено сврзано. В сеното клавает јаглен, и вртет лапрдата, на десно, на лево, дури да се запалит сеното и да изгаснит. После оставет драговите в црква“. Во селото Вʼмбел, Костурско овој оган го викале Лʼнго. Имено неколку дена пред празникот собирале суви дрва и гранки кои ги складирале на едно место во маалото. Заедно со тоа се правело и Лʼнгото. Долги стебла се составувале со ковење потоа ги исправале и на врвот ставале маалско знаме. Во време на грчката окупација доаѓала полицијата да види дали тоа не е некое „комитаџискко“ знаме. Секое маало си имало место каде се подигнувал Лʼнгот. Откако ќе го исправеле и зацврстеле Лʼнгот го ределе со суви дрва, прнар, рошки (суви гранки), слама и така правеле пирамида од околу 3-4 метра. Целата оваа направа била наречена Укала. Укалата се палале пред заоѓање на сонцето и околу нив се играло и пеело. Нагорени гламни се користеле за нажежување на некој болен или за подгорување на влакната на добитокот за отстранување на болестите од луѓето и животните. Во селото Мрзен, Кавадаречко, вечерта пред зајдисонце сите млади невести облечени во невестинска руба, придружени од своите свекрви, золви и јатрви, оделе на чешмата на групно клањање (поклонување). Тука правеле три наклони. Понеделникот по Прочка се вика Чист Понеделник и тогаш започнуваат долгите Велигденски пости. На овој ден се чисти куќата, особено се внимава садовите за храна да се измијат и испоснат од мрсното. Во минатото тоа се правело со брашно или пепел и со подолго вриење. Ефтим Спространов забележал дека во Охрид, во втората половина на минатиот век, целата ова недела по Прочка се викала Чиста недела и секој ден одделно: Чист понеделник, Чист вторник итн. Понабожните три дена ништо не јаделе, а во средата оделе во црквата каде што земале светена вода наезмо, а потоа дома приредувале гозба, со посна храна, на која ги канеле роднините и пријателите. Овој строг пост трите дена по Прочка се вика Тримери, а самиот чин постење, односно гладување, тримерење. Во врска со овој празник се и карневалите што се одржуваат во Струмица Прилеп и други места. Празнувањата во Струмица се во врска со тримерските празнувања, кога се изведуваат богати обичаи за свршените. Обичаите со варењето на посен (бел) грав, со синиите, пеењето на еротски песни и играње на орото „Црна кокошка“, посетата на Цареви Кули и сл. отсекогаш го привлекувале вниманието на намерниците и случајните минувачи. Во карневалот, пак, што се одржува во овој град по повод овој празник очигледни се влијанија на големите светски карневали. Карневалот во Прилеп е впечатлив по автентичните маски од мечки кои ја продолжуваат вековната традиција на празнувањето на касапите од овој град. Празникот Прочка претставува голем празник за македонскиот народ и со него се поврзани богати обичаи и верувања. Очигледно е дека проштевањето е обичај востановен под влијание на црквата, а забавите, како што се оние околу огновите, гатањата за среќа, карневалите и сл. се остатоци од претхристијанските пролетни забави.

Мрежа.мк February 26, 2023
Сподели ја оваа вест
Facebook Twitter Email Print
- Спонзор -
Ad imageAd image
Facebook Like
Twitter Follow
Pinterest Pin
Youtube Subscribe

ПОСЛЕДНИ НАСЛОВИ

Позната составот: Со Миовски и Трајковски во нападот и без Адеми против Малта!

Мрежа.мк Мрежа.мк March 23, 2023
Нови дојави за бомби во 18 скопски училишта
Оземпик не е лек за слабеење, постои друг за обезни пациенти кои немаат дијабетес: Вели ендокринологот Битоска
Најдобрите моменти на Светско Првенство 2022
Се огласи организаторот: Ѓоковиќ добива специјална дозвола за настап во САД?
www.Mreza.Mk - Агрегатор на вести
  • Review
  • Best Product
  • Contact
  • Reading List
  • Customize Interests

Мрежа е водечки информативен портал, кој ке ја задржи препознатливоста во брзината и квалитетот на објавување на сите вести. Изборот и позициите на вестите на Mreza.mk се одредуваат автоматски со компјутерска програма. Прикажаното време, или датум, се однесува на моментот кога веста била внесена или освежена во Mreza.mk Mreza.mk не презема никаква одговорност за веродостојноста на преземените информации.

Контакт инфо

  • Контакт
  • Видеотека
  • Хотели
  • Продавница

Брзи линкови

  • ShoutCast.mk
  • RadioMK.info
  • RadioStanici.mk
  • RadioKissFM.mk

© Copyright 2001 – 2023 Mreza.mk. Сите права задржани. Веб развој и дизајн Александар Ристовски.

Бидете ни пријатели

© Copyright 2001-2023 Мрежа. Сите права задржани. | Мрежа не превзема никаква одговорност за веродостојноста на преземените информации. | Веб развој и дизајн Александар Ристовски.

Removed from reading list

Undo
Добредојдовте назад!

Најавете се на вашата сметка

Lost your password?