Премиер лига: „Црвените“ се газди во Ливерпул! (ВИДЕО)

Sharing is caring!

Во големото градско дерби во најсилната англиска фудбалска лига Ливерпул на „Енфилд“ го совлада Евертон со 5:2 (4:2) и полека, но сигурно „гази“ кон првата титула во модерното натпреварување.

Еден многу интересен натпревар во Премиер лигата, во „храмот“ на фудбалот за 45 минути видовме дури шест голови, а во второто полувреме само еден погодок.

Ливерпул поведе уште во шестата минута кога Мане му асистираше на Орижи, а овој реализираше за 1:0.

Само 11 минути подоцна „црвените“ ја зголемија предноста, една брза контра и долга топка за Мане по левата страна, успеа да го пронајде Шаќири кој го „матираше“ Пикфорд.

„Карамелите“ се вратија во игра во 21. минута кога Ивоби центрираше, а со многу среќа Кен дојде до топката и стрелаше за 2:1.

Домаќините не застанаа и постигнаа уште два погодоци преку Орижи и Мане, а пред паузата намали Ришарлисон погоди за 4:2. Конечниот епилог го постави холандскиот интернационалец Вијналдум во 90. минута по додавањето на Фирмино.

Во генералниот пласман води Ливерпул со 43 бодови, додека Евертон после деветтиот пораз е на 18. позиција со 14.

Related Articles

Leave a Reply

Your email address will not be published. Required fields are marked *