Првата помош за прволигашите доаѓа од УЕФА

Пристигнува првата помош за клубовите од Првата МФЛ за справување со моменталната криза како последица од коронавирусот. УЕФА ќе го помогне секој македонски клуб со 57 илјади евра.

Според информиациите што ги објави сајтот спортмедија средствата се обезбедени од солидарниот фонд на УЕФА и ќе бидат прераспределени преку ФФМ во најбрз можен рок.

Вообичаено средствата во висина од 57 илјади евра се исплаќаат кон крајот на годината но со оглед на фудбалската криза предизвикана од пандемијата УЕФА реагира експресно.

Услов за да се добијат овие пари, е доставување целосна документација за тоа каде и за што се потрошени парите од претходниот солидарен фонд на УЕФА.

За таа цел се организирани и состаноци со претставниците на клубовите кои да потсетиме пред неколку дена побараа помош преку своето Здружение од ФФМ и државата со цел да го задржат кадарот и им обезбедат плати на фудбалерите и вработените лица.

Фото за вовед: Категорија: ФудбалНовинар: Зоран Николовски

Related Articles

Leave a Reply

Your email address will not be published. Required fields are marked *