По масовната сеча, нови јапонски цреши на „Максим Горки“

Откако пред три дена, една од најубавите скопски улици „Максим Горки“ остана без поголемиот дел од јапонските цреши, денеска Град Скопје на својот сајт се пофали дека во рамките на есенската сезона на садење е засаден дрворед од 18 висококвалитетни повеќегодишни садници од видот јапонски цреши, донација од вработените во локалната канцеларија на Европската банка за обнова и развој во Република Северна Македонија.

– Во името на Град Скопје сакам да упатам благодарност до вработените во локалната канцеларија на ЕБОР за овој хуман гест кој значи многу за Град Скопје. Интензивно работиме на зголемувањето на зелените површини во Скопје, а оваа есен посебно внимание посветивме на обновување на постојните и формирање на нови дрвореди кои му се потребни на нашиот град – истакна во своето обраќање градоначалникот на Град Скопје, Петре Шилегов.

Шилегов истакна дека дополнително го радува фактот дека многу општествено одговорни компании покажале интерес за донации во делот на градското зеленило, што според него е само уште еден доказ дека сé повеќе се крева свеста за значењето на зелените површини за животната средина во градот.

По бурните реакции од јавноста за масовното сечење, од Општината смируваа дека се работи за стари и болни дрвја.

Фото: Официјален портал на Град Скопје

Related Articles

Leave a Reply

Your email address will not be published. Required fields are marked *