Зголемувањето на даноците е катастрофална мерка на Владата, откако ова го најавија ние сме во комуникација со реалниот сектор и тој во моментов, во тешката ситуација во која се наоѓа и поради економската криза, размислува или да затвори или да направи даночна евазија, вели потпретседателот на ВМРО-ДПМНЕ, Александар Николоски. Тој во неговото гостување на Канал 5 телевизија во емисијата „Жешко политичко лето“ истакна дека со ваквата даночна реформа, наместо повеќе во буџетот ќе има се помалку средства, затоа што со зголемувањето на давачките за данок и со зголемените сметки за струја, нема да можат профитабилно да работата, што ќе доведе и до илјадници луѓе да останата на улица без работа. „Економијата ја водат луѓе кои што и немаат познавање од јавниот сектор и имаат познавање само од оној научен, условно кажано, дел кој што се однесува на статистика, но не на реалната економија. Откако министерот за финансии најави дека ќе зголемува даноци, бевме во комуникација со реалниот сектор. Реалниот сектор размислува за две работи, или да затвори, што би значело илјадници луѓе оставени на улица, што значи помалце даноци затоа што тие нема да работат и во буџет нема да приходуваат или размислуваат како да направат даночна евазија, односно да најдат начин да не плаќаат даноци, што ќе значи зголемување на сивата економија и повторно помалку средства во буџетот. Значи, од двете варијанти со зголемување на даноци, во буџетот ќе има помалце наместо повеќе средства како што планираат од владата“, рече Николоски. Тоа што ние сметаме дека е правилно, додаде Николоски, е дека граѓаните не треба да се оптеретуваат со дополнителни давачки во една ваква криза, кога основните производи одат по четири- пет пати нагоре. Посочи дека даноците треба да се кратат со цел на бизнисот да му се даде шанса да има рамен терен за игра, да може да отвара нови работни места, да вработува луѓе и на тој начин да расте економијата. Ако на владата и фалат финансиски средства место дополнително да ги даночи оние што редовно плаќаат данок, нека намали со криминалните тендери во четири очи и нека ја спушти сивата економија на европскиот стандард од 20%, која што во моментов во Македонија достигна 40% и така ќе има доволно пари во буџетот за сервисирање на сите потреби. „А, доколку на владата и фалат средства во буџетот, еве два совети од мене. Прво, да намалат со криминалните тендери кои што ги прават секој ден, тендерите во четири очи и прво да ја сузбијат сивата економија која што во Македонија повторно оди на 40% од ДБП. Само да ја спуштат сивата економија на 20% од БДП, колку што е стандардот во Европската унија, каде што сакаат да одат и каде што сакаме да одиме, ќе немаат никакви проблеми со буџетот. Ама не го прават тоа и удираат по оние кои што се чесни и кои што плаќаат данок, штитејќи ги оние кои што се нечесни и кои што не плаќаат“, рече Николоски.

Центар за управување со кризи информира за состојба со пожарите до 19:00 часот. Активни пожари. 1. РЦУК – Скопје од 18:05 часот интервенирано е на пожар на сува трева и лозје, во месноста Раштански лозја, во гаснењето на пожарот интервенирано е со 3 ПП возила и 10 пожарникари. Пожарот е активен. Изгасени. 1. РЦУК – Тетово Од 08:00 до 11:15 часот во атарот на селото Беловиште кон Куново интервенирале на гаснење на запалена депонија со 1 ПП возило и 2 пожарникари и од национални шуми Шар со 4 вработени. 2. РЦУК – Куманово од 14:10 до 16:00 часот интервенирале во ул. Бајрам Шабани на запалена стрениште во гаснењето на пожарот интервенирале со 1 ПП возило и 3 пожарникари. 3. РЦУК – Битола од 09:41 до 11:25 часот интервенирале на пожар на запалено стрениште кај стариот млин, патот Битола- Прилеп интервенирано со 1 ПП возило и 2 пожарникари. 4. РЦУК – Битола од 14:00 до 15:20 часот интервенирале на пожар на сува трева во с.Горно Агларци општина Новаци во гаснењето на пожарот интервенирале со 1 ПП возило и 2 пожарникари Оштетена е една дрвена бандера информирано ни се и ЕВН. 5. РЦУК – Велес од 14:00 до 18:15 часот интервенирале на подрачјето на Општина Градско, помеѓу с. Ногаевци и патарина на пожар на отворен простор на запалено трева, ниска вегетација, шавар, багрем и јасика во гаснењето на пожарот интервенирале ТППЕ Велес со 5 пожарникари и 1 ПП возило изгорена повершина од 2 Ха.

Претседателот на Сојузот на синдикати на Македонија (ССМ), Дарко Димовски најави радикализирање на штрајкот од септември, доколку Владата не ги исполни нивните барања, а тоа е со покачување на минималната плата за 18,4 проценти, да се усогласат сите останати плати. -Согласно Законот за минимална плата и новата методологија, со порастот на минималната плата треба да се усогласат и сите останати плати. Значи, минималната плата се зголемила за 18,4 проценти и во тоа законско решение се вели дека во рок од шест месеци мора да се усогласат и останатите плати. Но, видовме дека тоа не се случи, рече Димовски во денешното гостување на ТВ Сител. Тој посочи дека уште е во тек штрајкот во јавниот сектор, а радикализирање ќе има во септември, бидејќи според Владата, законот им овозможува до септември да ги усогласат платите. -Како социјални партнери, на 1 мај последен пат остваривме средба со владини претставници, каде што ни беше ветено дека Владата ќе излезе во пресрет и ќе даде по 2.860 денари со ребалансот на буџетот. Видовме во ребалансот на Буџетот, министерот за финансии Бесими тоа го нема предвидено туку почнаа од ракав да се делат некакви покачувања. Затоа, ние од септември ќе радикализираме доколку не се случи ова покачување, рече Димовски. Тој најави дека од септември ќе ги повикаат сите работници без разлика дали од приватниот или од јавниот сектор да излезат на улица. -Ги повикуваме сите работници на улица, за да може најпрвин да егзистираме, да опстанеме, бидејќи како што вели Владата, од септември не знаеме што ќе се случи поради најавената нова енергетска криза, се најавуваат штедења, уште поголема инфлација, додаде претседателот на ССМ. Во моментов, како што информираше, штрајкот се води во јавниот сектор, се штрајкува и се добива на локално ниво и во јавните комунални претпријатија. Утре, како што рече, ќе бидат во Прилеп каде што ќе потпишат покачување за 18 проценти во едно општинско јавно комунално претпријатие. -Во септември треба да земеме сите покачување за 18,4 проценти, зборувам и за јавниот и за приватниот сектор, бидејќи Законот е ист за сите, додаде Димовски. Во однос на даночните реформи, тој смета дека сега воопшто не е време за даночни реформи. -После 1 мај, од кога исчезна социјалниот дијалог, ние преку медиумите и преку она што го презентираше министерот Бесими разбравме дека се зборувало за прогресивен, но мене ова повеќе ми личи на регресивен данок бидејќи истиот повеќе ги зафаќа сиромашните отколку богатите. Преку тој данок, пониските примања на плати од нивниот профит ќе бидат повеќе оданочени, додаде Димовски. Посочи дека Сојуз на синдикати на Македонија ќе му предложи на министерот за финансии Фатмир Бесими да го оданочи профитот на банките, со 33 отсто данок а не, како што истакна, да ги чепка работниците, пензионерите и младината. -Не може цело време данокот да паѓа на грбот на работниците и на граѓаните со пониски примања, незначително дали станува збор за плати, пензии или друг вид на примања. Моментно никако не е време за даночни реформи, смета претседателот на ССМ.