Connect with us

ЕНЦИКЛОПЕДИЈА

ПИСМОТО НА СОПРУГАТА НА ПИЛАТ ДО ПРИЈАТЕЛКАТА ФУЛВИЈА: Го сонив Исус, викаше: Вратете ми ја крвта што ја пролеав за вас!

Published

on

Никола ГРУЕВСКИ за писмото на сопругата на Понтиј Пилат, Клаудија до пријателката Фулвија, кое е извонредно сведоштво за настаните и чудата поврзани со Христос, за тоа како била сведок на воскреснувањето на ќерката на Јаир, за дилемите на Пилат при судењето на Исус и за проклетството што ги следело по распнувањето на Исус:

ЗА ПИСМОТО НА СОПРУГАТА НА ПОНТИЈ ПИЛАТ:

Поздрав за тебе, Фулвио!

О ти, моја верна пријателко, ме прашуваш да ти ги опишам збиднувањата што се случија после нашата разделба.
Некои од овие известувања стигнаа дури и до тебе, но тајната што ги обвива тие известувања, во тебе подбудува желба да дознаеш за мојата состојба…”.

Потоа Клаудија раскажува хронолошки како на 17 годишна возраст стапила во брак со Понтиј Пилат кој бил по возраст како да и е татко и бил управител во Италија. Раскажува како првите години од брачниот живот поминале во мир и добиле син, а пет години подоцна Понтиј бил назначен од римскиот император за гувернер на Јудеја.

Advertisement
Радио KISS FM – Македонска Радио Мрежа

Раскажува дека во Ерусалим била центар на почести и внимание, но сепак била осамена “поради гордоста и презирот на Евреите спрема странците и незнабошците, како што не нарекуваа тие. Евреите тврдат дека нашето присуство го осквернавува светото место што Бог им го ветил на нивните прататковци…”.

Понатаму раскажува дека само една фамилија од повисок ранг во Ерусалим и покажала пријателство и посетата на нивниот дом и причинувало големо задоволство. Тоа била фамилијата Јаир, старешина на синагогата со чија сопруга Соломија таа имала блиски и чести контакти.

“Соломија беше пример за доброта и кроткост, особено ќерка ѝ Семида, мила и убава девојка како саронска ружа…”.
Тие многу и говореле и читале од светите книги “за Богот на нивните прататковци”.

“Тој Бог” раскажува Клаудија, “е семоќен и милостив, Кој има сѐ во Себе: доброта, чистота и слава… Во осаменост и јас почнав да Го фалам на мојот инструмент. Покрај колевката на син ми паѓав на колена и го повикував Неговото име, честопати дури и против мојата воља. Го молев Тој Бог да ме смири и да ми го успокои срцето, во чии раце јас Му ја предадов судбината и се помирив како робинка на својот господар. И да видиш чудо: од тогаш јас бев охрабрена и утешена”.

Клаудија раскажува дека по извесно време нивната ќерка Семида се разболела и едно утро умрела во рацете на мајка си, без многу да се мачи.

Advertisement
Радио KISS FM – Македонска Радио Мрежа

“Го грабнав детето и брзо појдов до нив за да ја оплачам, заедно со мајка и Соломија. Пред домот им се беше насобрал многу народ. Но одеднаш народот почна да се повлекува, отворајќи и пат на една група луѓе, на кој народот гледаше со почит. Меѓу нив го препознав Семидиниот татко. Но, наместо тага и бол, на лицето му се покажуваше надеж, што за мене беше несватливо! Со него одеа тројца, скромно облечени и припрости. По нив последен одеше уште еден. Се подигнав на прсти за да го видам подобро, но веднаш го спуштив погледот од Него како од светлината на Сонцето. Ми се чини челото му беше украсено со ореол од светлина. Косата му паѓаше на рамена, што е вообичаено во Назарет. Неможно ми е да ти опишам се што чувствував во тој миг. Кога го погледнав, осетив како треперам, зашто во секоја негова црта откривав необјаснива убавина, а истовремено Тој, со неговиот поглед, задаваше некаков таинствен страв. Тргнав по него без да знам каде одам. Се отвори вратата и ја видов Семида положена на постелата и опкружена со свеќници и миромириси. Таа изгледаше поубава во тој небесен покој. Челото и беше бледо како лилјанот што лежеше на нозете и смртта беше оставила белези околу очите и устата, та Соломија стоеше покрај неа, истоштена од болка. Во тој миг, Семидиниот татко клекна пред нозете на човекот кој ми беше непознат и кој се приближуваше до Семидината постела. Тој покажа кон своето чедо и рече:

“Господи, ќерка ми е во рацете на смртта, но ако ти сакаш, таа ќе воскресне!“ Целата затреперив кога ги слушнав тие зборови. Срцето ми престана да чука за Оној што не Го познавав. Тој ги фати Семидините раце, управи силен поглед во неа и рече: ‘Девојко стани!’

Семида се дигна од постелата како да беше помогната од невидливи раце и ги отвори очите. Нејзиното чуство на животот одново ѝ се расцвета на устата. Таа протегна раце и извика: ‘Мајко’!

На тој мил глас Саломија се ослободи од болката. И, растреперени се прегрнаа мајка и ќерка. Тогаш Јаир клекна на колена пред лицето кое го нарекуваше Господ, бакнувајќи Му ги алишта, говореше: Што да правам да добијам живот вечен?

‘Да го љубиш Господ и луѓето’ беше одговорот.

По тие зборови тој стана невидлив, а јас клекнав без да знам кога и зошто. Кога се дигнав, бев пробудена како од сон. Се упатив кон дома, оставајќи ја среќната фамилија во најголема радост, радост што ниедно перо не може да ја опише.
На вечерата му раскажав на Понтиј се што видов и чув. Тој ја наведна главата и ми рече:

Advertisement
Радио KISS FM – Македонска Радио Мрежа

„Ти си го видела Исус од Назарет, кој е предмет на омрза и презир од фарисеите, садукеите, иродовците и гордите левити од храмот. Таа омраза расте секој ден и единствената мисла им е да му го одземам животот. Додека зборовите на Назареецот се зборови на мудрост, а неговите чуда се од вистинскот Бог’.

А зошто тие го мразат? – прашав јас.

‘Затоа што тој ги изобличува нивните обичаи и лицемерства. Јас го чув како им рече на фарисеите: ‘Варосани гробови…змијски породи! Вие ставате тежок товар врз плеќите на луѓето, а ни со прстот не ги помрднувате. Давате десеток од нане, копра и кимин, а го оставивте поважното во Законот: правдата, милоста и верата’ Тие зборови содржат длабока и вистинска смисла. Тој ги разгневи надуените, гордите и арогантни луѓе, така што се помрачи иднината на Назареецот’.

‘Ти ќе го заштитиш, нели?’- извикав возбудена.

‘Мојата моќ е премногу слаба во споредба со бунтовниот и расипан народ. Верувам дека душевно ќе страдам ако дозволам да се пролее крвта на Тој мудрец!’.

Advertisement
Радио KISS FM – Македонска Радио Мрежа

По тие зборови Понтиј се повлече во собата, длабоко замислен, а јас останав како болна со неопислива жалост.

Се приближуваше празникот на Бесквасните лебови. На тој голем и значаен јудејски празник, во Ерусалим се собираше народ од сите страни на Јудеја за да принесат свечена жртва во чест на празникот што почнуваше во четврток. Пред овој празник Понтиј, натажен, ми рече:

‘Иднината на Назареецот е неутешна. Над Него веќе е скована завера и можно е Тој уште оваа вечер да биде предаден во рацете на правосвештеникот’.

Растреперена пак го прашав: ‘Ти ќе го заштитеш, нели?’

‘Можам ли тоа да го сторам?’ ми одговори Понтиј со мрачен поглед. ‘Судбината за која претскажуваше Платон за некои предавници, ми се чини дека ќе Го снајде Исуса: Тој ќе биде презрен и предаден за да биде осуден на сурова и тешка смрт“.

Advertisement
Радио KISS FM – Македонска Радио Мрежа

Подоцна Клаудија има уште еден разговор со него кога Понтиј ќе и каже:

“Иднината на Назареецот е неутешна. Над Него веќе е скована завера и можно е тој уште оваа вечер да биде предаден во рацете на правосвештеникот.“

Растреперена пак го прашав: Ти ќе го заштитеш, нели?

Можам ли тоа да го сторам? Ми одговори Понтиј со мрачен поглед.Судбината за која предскажуваше Платон, за некои предавници, ми се чини дека ќе Го снајде Исуса: Тој ќе биде презрен и предаден за да биде осуден на сурова и тешка смрт…”.

ВТОРА ПОЛОВИНА НА ПИСМОТО НА КЛАУДИЈА ПРОКУЛА

Advertisement
Радио KISS FM – Македонска Радио Мрежа

А сега продолжувам со цитат од вториот дел на ова писмо. Клаудија раскажува за својот сон, или откровение, или визија, по кој таа дејствува…

“Појдов на спиење, но штом легнав некакви таинствени сили ми ги обзедоа мислите: Го видов Исуса таков каков што ми го опишуваше Саломија својот Бог. Лицето Му сјаеше во слава како Сонце, леташе со крилјата на херувимите. Пламенот му ја извршуваше волјата додека стоеше на облаците. Ми се чинеше како да беше готов да ги суди народите собрани пред Него. Протегајки си ја моќната десница, Тој одвојуваше праведни од неправедни. Праведните се издигаа полни со Божествена слава, а неправедните беа фрлани во огнено езеро. Тогаш Божествениот Судија ги покажа раните по телото и рече со силен глас: ВРАТЕТЕ МИ ЈА КРВТА ШТО ЈА ПРОЛЕАВ ЗА ВАС.

Несреќниците паднаа и молеа да ги покријат горите и планините. Се чуствуваа непокорни и бесмртни. Сепак, тие изгинаа.
О! Каков сон или, поточно откровение! Кога се раздени се разбудив со натажено срце и страшен ужас ме обзеде од визијата. Појдов до прозорецот да вдишам чист воздух. Одеднаш слушнав голема вика во центарот на градот што стануваше се посилна; пострашна беше и од најсилната орканска бура. Ме облеа студена пот. Набргу тоа викање стигна до местото на судскиот двор. Уплашена, го грабнав детето и истрчав за да отидам до сопругот, но не можеше да се дојде до него.
Застанав зад една пурпурна завеса и ѕирнав да видам што се случува.
КАКОВ ПРИЗОР, ФУЛИО!

Понтиј стоеше на тронот од слонова коска, изгледаше бестрашен, но јас ја сфатив неговата душевна тревога. Пред него, со врзани раце и искинати алишта од малтретирање, стоеше спокоен и неподвижен, истраен и непоколеблив, Исус Назарецот. На лицето не Му се гледаше ни гордост ни страв. Беше мирен, спокоен, обично, како НЕВИН ЧОВЕК. Неговата кроткост ме исполнуваше со страв и ужас, зошто во ушите ми ѕунеа зборовите: ВРАТЕТЕ МИ ЈА КРВТА ШТО ЈА ПРОЛЕАВ ЗА ВАС!

Околу Него стоеше многу народ, како левитите и фарисеите, бесни од гнев. Го довеле на судење. Фарисеите носеа на челата пергаментни плочи со напишани текстови од Законот. Тие се топеа од омрза и викаа како ПОБЕСНЕТИ ЅВЕРОВИ.

Advertisement
Радио KISS FM – Македонска Радио Мрежа

Најпосле Понтиј даде знак и завладеа тишина.

Што сакате од мене? Ги запраша тој?

Ја сакаме смртта на Исус Назарецот – одговори еден од свештениците во името на целиот народ. Ирод Го испраќа кај тебе за да му изречеш пресуда!

А зошто Го обвинувате? Во што е Неговата страшна вина?

Пак одекна нивниот пеколен глас: Тој пророкуваше рушење на храмот, се нарекуваше Цар над царевите, Христос, Син Божји, Тој ги навредуваше свештениците на Ароновите племиња – викаа левитите.

Advertisement
Радио KISS FM – Македонска Радио Мрежа

ДА БИДЕ РАСПНАТ. Викаше разбеснетото мноштво.

ТОА ВИКАЊЕ УШТЕ МИ Е ВО УШИТЕ И ЛИКОТ НА ПРАВЕДНАТА ЖРТВА УШТЕ МИ Е ПРЕД ОЧИ!

Тогаш Понтиј го праша Исуса: Ти ли Си Цар јудејски?

Ти кажа – му одговори Исус.

Ти ли си Исус, Синот Божји? – пак го праша Пилат, но Исус не одговори.

Advertisement
Радио KISS FM – Македонска Радио Мрежа

Викањето се повтори и личеше на виење на изгладнети тигри – ДАЈ НИ ГО! ДА УМРЕ НА КРСТ!

Пилат им даде знак да замолчат и рече: Јас не наоѓам никава вина во Тој човек и ќе Го ослободам!

ДАЈ НИ ГО! РАСПНИ ГО! – Повторуваше мноштвото.

Не можев веќе да слушам, го испратив слугата да го повика Пилата да би поразговарала со него. Кога дојде Понтиј, паднав пред неговите нозе молејки го:

Во името на нашето дете, кое ти е најмило, најдраго и најскапо, залог за нашето единство не биди учесник во пролевањето на крвта на Тој праведник, Кој е сличен на праведниот Бог! Ноќеска Го видов на сон, опкружен со Божествена слава: Тој му судеше на човештвото што трепереше пред Него и меѓу несреќниците фрлени во Огненото Езеро, ги видов лицата на оние што ја сакаа Неговата смрт. Варди се и не дигај рака над Него. О! Верувај ми дека само една капка од таа крв за целата вечност ќе ти ја бележи судбината!.

Advertisement
Радио KISS FM – Македонска Радио Мрежа

Се што се случува тука и мене ме застрашува, ми одговори Понтиј. Што можам да направам, заштитата на римската гарда е слаба за да се спротивстави на тој побеснет народ, вдахновен од демони. Смири се Клаудијо, и оди си со детето во градината. Очите не ти се создадени да гледаат такви крвави сцени.

Се чувствував жалосна и обесхрабрена. Исус беше предмет на потсмев и малтретирање од сите, а Неговата смиреност повеќе ги дразнеше.

Очаен, Понтиј се врати на престолот, а тие пак почнаа да викаат: НА СМРТ, НА СМРТ! Понтиј сакаше да го искористи тој случај да би Му помогнал на Исуса и го запраша народот: Кого сакате да ви го ослободам за празникот, Варара или Исуса, наречен Христос?

ОСЛОБОДИ ГО ВАРАВА! Викаа сите.

Варава беше разбојник и убиец.

Advertisement
Радио KISS FM – Македонска Радио Мрежа

Што да направам со Исуса Назарецот?

ДА БИДЕ РАСПНАТ! – Викаше народот.

Какво зло направил?

А тие уште погневно викаа: ДА БИДЕ РАСПНАТ!

Понтиј обесхраберен ја наведна главата. Нервозата растеше се повеќе. НИКАДЕ НЕМАШЕ МИР ОСВЕН НА ИСУСОВОТО ЛИЦЕ! Злостворство, исмевање и маченичка смрт, неможеа да го помрачат Тој небесно осветлен поглед. Тие очи што и дадоа живот на Јаировата ќерка, ГЛЕДАА НА СВОИТЕ МАЧИТЕЛИ СО НЕОПИСЛИВ СЈАЈ НА МИР, ЉУБОВ И СОЖАЛУВАЊЕ.
Нема сомневање, Тој страдаше со радост. Ми се чинеше дека Неговиот Дух се издигаше кон невидливиот престол. Судницата беше полна со народ како брановита река, чија вода доаѓаше од Сионската гора, каде што беше храмот, до судницата каде што се засилуваше ,,пеколниот хор,,.

Advertisement
Радио KISS FM – Македонска Радио Мрежа

Најпосле мажот ми уморен и исплашен, беше принуден да се согласи со мноштвото.

О! Каков судбоносен час!…Понтиј се дигна. На лицето му се гледаше смртен ужас. Симболично си ги изми рацете во легенот со вода и рече: Јас сум невин од крвта на Овој праведник!

Неговата крв нека биде над нас и нашите деца – викаше тој несреќен и разбеснет народ што се туркаше околу Исуса.

Бесните џелати Го одведоа. Јас со поглед ја испратив жртвата на клање. Одеднаш срцето почна силно да ми бие. Ми се чинеше дека ми е крај на животот.Слугинките ме одведоа до прозорецот што гледаше кон дворот на судницта. Видов траги од пролиена крв.

Тука Го бичуваа Назареецот – рече една дворјанка.
Ете таму Го крунисаа со трнов венец, – рече друга.
Војниците Го хулеа и Му се потсмеваа – рече трета.

Advertisement
Радио KISS FM – Македонска Радио Мрежа

Секој од овие зборови ми го пробудуваше срцето како со нож. Чувствував дека се одигрува нешто натприродно во овој судбоносен ден.

Големи и страшни ЦРНИ ОБЛАЦИ се трупаа над земјата, проследени со СИЛНИ ГРМОТЕВИЦИ.

ГРАДОТ ОДЕДНАШ ЗАМОЛКНА од страшната вика. Како да беше занесен во длабоки мисли. Се замолкна. Како смртта да ги допрела со црни крилја. Неопислив ужас ми го прикова погледот во една точка. Го притиснав детето посилино на градите без да знам зошто.

Околу деветиот час тој ден мракот стануваше се погуст. СЕ СЛУЧИ СТРАШЕН ЗЕМЈОТРЕС. Помислив дека светот пропаѓа.Сите стихии се претворија во ужас. Паднав на земја, кога во моментот дојде една моја дворјанка, родена Еврејка, бледа, очајна и исплашена. Таа извика: Дојден е последниот ден! Бог го јавува тоа преку чудеса! Завесата на храмот што го одвојува Светото Место од Најсветото Место, се расцепи од горе до долу на два дела. Жално е тоа што се случи со Светиот храм. Се зборува дека многу гробови се отвориле, многумина виделе воскреснати праведници, кои беа исчезнале од Ерусалим, како и пророци и свештеници од времето на Захарија, убиен во храмот, до Еремија, кој беше ја предскажал пропаста Сионова. Мртвите го претскажуваат гневот Божји. Казната на Семоќниот се шири како пламен.

Слушајки ги тие зборови, ми се чинеше дека ќе го загубам паметот. Излегов на скалиштето и го сретнав капетанот кој го мачеше Исуса. Тој беше стар херој, но во моментот беше истоштен од мака и каење, мина покрај мене, говорејки сам за себе:

Advertisement
Радио KISS FM – Македонска Радио Мрежа

ОНОЈ ШТО ГО УБИВМЕ, НАВИСТИНА БЕШЕ СИН БОЖЈИ!

Влегов во судницата каде што стоеше Понтиј. Лицето му беше покриено со рацете. Кога ме виде очајно рече: АХ, КЛАУДИО, ЗОШТО НЕ ТЕ ПОСЛУШАВ? МОЕТО ПОМРАЧЕНО СРЦЕ НЕ ЌЕ НАЈДЕ МИР! ЗОШТО НЕ ГО ЗАШТИТИВ ТОЈ МУДРЕЦ СО СВОЈОТ ЖИВОТ? Неможев да најдам зборови да ги свртам неговите мисли од таа несреќа што за вечност ни ја запечати пропаста.

Тишината ја нарушуваше страшна грмотевица. Не гледајки на бурата, еден стар човек стоеше пред палатата со насолзени очи, падна пред нозете на Понтиј и рече: Се викам Јосиф од Ариматеја, дојдов да те замолам да ми дозволиш да го земам Исусовото тело од крстот и да Го погребам во мојот гроб.

Оди и земи Го! Одговори Понтиј, не погледнувајки го.Така се сврши тој судбоносен ден. Исус беше погребан во нов гроб, во една карпа и на вратата стоеше римска стража.

Но што? О!Фулвио! НА ТРЕТИОТ ДЕН – ПОЛН СО СЈАЈ, СЛАВА И ПОБЕДА – Тој се појави во овој град. ТОЈ ВОСКРЕСНА, ТРИУМФАЛНО ЈА ПОБЕДИ СМРТТА И ТАКА СЕ ИСПОЛНИ ПРЕТСКАЖАНОТО.
Тој им се јави прво на Своите ученици и пријатели, а потоа и на народот. Тие сведочеа за Него, а учениците Му Го запечатуваа сведоштвото со својата крв, ширејки ја веста за Него пред предавниците, началниците и судиите.

Advertisement
Радио KISS FM – Македонска Радио Мрежа

Неговата наука им беше доверена на неколкумина рибари од Тиверија. Тие незначајни луѓе станаа прочуени и значајни со нивните мили и силни зборови. Растеше новата вера како синапово семе во вистински плодороден корен на кој ќе му се покори секој друг корен на фалшливата религија на римската слава.

Од овој миг на мојот сопруг му тргна се на зло! Сенатот, а и самиот Тибериј, кој ги мразеше Евреите, го обвинија за случајот.

Саломија и Семида сега со страв во мене гледаат гонител на нивниот Бог. Тие станаа следбеници на Оној Кој и дарува живот на нивната ќерка.

Одеднаш се почуствував осамена и престанав да ги посетувам. Почнав да истражувам извесни Исусови морални науки што ги добив од Саломија.

О! Ценета моја пријателко! Колку е безначајна и суетна мудроста на нашите великани во споредба со науката што само единствениот Бог им ја ветил на луѓето од овој свет. Колку мир и добрина влеваат тие! Една ми е утехата да ги читам нив постојано.

Advertisement
Радио KISS FM – Македонска Радио Мрежа

По неколку месеци, Понтиј ја загуби позицијата и ние се вративме во Европа. Патувајки по целото царство, тој го носеше товарот на жалоста, душевната мака и обесхрабреноста. Јас бев со него, но каков беше мојот живот?!

Фамилијарното пријателство во бракот ни исчезна. ТОЈ ВО МЕНЕ ГЛЕДАШЕ ЛИЧЕН СВЕДОК ЗА НЕГОВИОТ ПРЕСТАП, А ЈАС ВО НЕГО ГЛЕДАВ ЛИК И КРСТ, ПОЛН СО КРВТА НА ОНОЈ ПРАВЕДНИК, КОГО ГО ОСУДИ ТОЈ НЕПРАВЕДЕН СУДИЈА. Немам смелост да го погледнам в лице. Неговиот глас што изрече пресуда за Исуса, ми го ранува срцето, а кога си ги мие рацете во леѓенот со вода МИ СЕ ЧИНИ ДЕКА ГИ МИЕ ВО ТОПЛАТА КРВ НА ОНОЈ ЧИИ ТРАГИ НИКОГАШ НЕ ЌЕ СЕ ИЗБРИШАТ. Понекогаш му зборувам за покајание и признавање на гревот, но дивиот поглед му е полн со очај и гнев.

Не по долго време детето ни умре во моите раце, но не го оплакував. БЛАЗЕ СИ МУ! ТОА УМРЕ БЛАЖЕНО! Се избави од проклеството што не следи на секоја стапка. Го симна од себе товарот на татковото име.

Секаде каде што поминувавме имаше многу христијани и во страшната дивост се слушаше како со одвратност го изговараа името на мажот ми.

Оние што беа испратени да ја проповедаат Исусовата наука, за објаснување на нивната вера ги употебуваа зборовите: Тој беше распнат по заповед на Понтиј Пилат.

Advertisement
Радио KISS FM – Македонска Радио Мрежа

Страшно проклество што ќе се повторува во сите векови!

Прости ми Фулвио! Плачи и ти и сожалувај ме. Нека ти помогне Бог, праведниот судија, и нека ти дарува среќа што си ја посакуваме една на друга.
ПРОСТИ”!

Continue Reading
Advertisement Радио KISS FM – Македонска Радио Мрежа

Click to comment

Leave a Reply

Your email address will not be published.

ЕНЦИКЛОПЕДИЈА

МИСТЕРИЈАТА ТРАЕ: Македонското национално прашање му пресуди на Кочо Рацин!?

Published

on

Рацин бил смртно ранет, но не починал веднаш, туку неколку часа подоцна. Иако имало доволно време да биде однесен до партизанската болница, раководството кое било на Лопушник не презело ништо тој да биде префрлен на лекување. По неколку часа агонија, поетот умрел и бил закопан во плиток гроб, таму каде што бил погоден.

Пишува: Дарко ЈАНЕВСКИ

Смртта на Кочо Рацин на Лопушник, кичевско, за многумина во Македонија и по 79 години од настанот е една од најголемите мистерии на поновата македонска историја. Се разбира, и натаму останува само да се претпоставува дали убиството е нарачана ликвидација или пак станува збор за несреќна случајност, иако во втората верзија малку кој верува.

Официјално, Кочо Рацин загинал како резултат на трагично недоразбирање. На 13 јуни 1943 година тој добил наредба да се врати во базата на Лопушник. Кога се приближил до базата, бил погоден од куршумот на Мино Миновски, партизан кој бил на стража во близина на импровизираната партизанска печатница. Тој извикал предупредувачко „Стој!“, но поради наглувоста Рацин не го слушнал, продолжил да се движи, по што овој го застрелал.

Рацин бил смртно ранет, но не починал веднаш, туку неколку часа подоцна. Иако имало доволно време да биде однесен до партизанската болница, раководството кое било на Лопушник не презело ништо тој да биде префрлен на лекување. По неколку часа агонија, поетот умрел и бил закопан во плиток гроб, таму каде што бил погоден.

Тие што не веруваат во оваа верзија, сметаат дека всушност станува збор за исцениран случај со цел Рацин да биде ликвидиран поради неговите тврди промакедонски ставови кои не кореспондирале со веќе зацврстената пројугословенска политика на тогашните комунистички првенци на партизанското движење во Македонија.

Advertisement
Радио KISS FM – Македонска Радио Мрежа

Веднаш по смртта на Рацин, започнале да исчезнуваат материјалите што ги имал со себе. Најпрвин ја снемало торбата со тетратките во кои Рацин пишувал секогаш кога имало затишје. Според академик Блаже Конески, меѓу тие материјали била и поемата ‘Сандански’. Тој ракопис до денес не е пронајден, а не се знае ниту од каде можел да знае Блаже Конески дека ракописот бил во торбата што Рацин ја носел на рамото кога заминал.

Чудна е и судбината на картичките што Кочо и ги праќал на Раца. И нив веднаш по ослободувањето некој ги има однесено од домот на Рахилка Фирфова, а на седум од нив им беше изгубена секаква трага, се до неодамна кога успеа да ги пронајде д-р Александар Трајановски. Станува збор за картички што Кочо и ги испраќал на Раца во текот на 1928 и 1929 година, кога таа била ученичка во шести клас во велешката гимназија.

Според јавниот исказ на проф. Трајановски од пред повеќе години, мистеријата околу загинувањето на Рацин останува, но, секоја година се откриваат нови докази според кои целиот настан се поцврсто мириса на ликвидација. Причина за тоа можеби е не само тврдокорниот став на поетот во врска со македонското национално прашање, туку и неговото јавно несогласување со ‘српските инструктори’ и македонските партизански послушници. Дека нешто се криело, зборува и податокот што за смртта на Кочо неговите во Велес дознале речиси една година подоцна.

Според сведоштвото на неговиот најмал брат Александар Солев, мајка му Марија можеби нешто знаела за судбината на Кочо, но веројатно не сакала да верува дека е вистина. Останатите во семејството, не знаеле ништо. Една година подоцна, тој и мајка му со едно магаре на кое имале товарено бардачиња и грнци, тргнале кон селото Лисиче каде се наоѓале партизаните, односно единиците што го обезбедувале целиот реон, бидејќи штабот се наоѓал во Горно Врановце. Таму наишле на партизанот Киро Попадичето од Велес, близок пријател на Кочо. Тој ги тргнал настрана и на мајката на Рацин и рекол: ‘Тетка Маре, Кочо загина во јуни минатата година! Погребан е таму на Лопушник.’

Тетка Маре само се свртела настрана и почнала тивко да плаче.

Advertisement
Радио KISS FM – Македонска Радио Мрежа

Братот на Кочо се сеќава и дека по војната ‘другарите’ им собрале се што чувале дома, а што било поврзано со поетот, за да се направи музеј за него. Потоа, и тие работи почнале мистериозно да исчезнуваат.

‘Се сеќавам дека прв кај нас дојде Славко Јаневски. Прегледа низ хартиите и книгите и собра се што мислеше дека е вредно за да се сочува. Целиот пакет што го зеде го однесе во Скопје, а во Музејот во Велес прати само фотокопии. Еден дел од материјалите на Кочо зеде и Александар Спасов. Јас тогаш имав 15 години и не знаев дека сите хартии што ги земаат се толку важни. Си спомнувам дека од дома беа однесени неколку сандаци книги и тетратки испишани со ракописот на Кочо. Ја помнам неговата стихозбирка ‘Антологија на болката’, отчукана на машина, која некако остана дома, не ја зедоа. Подоцна тој ракопис шеташе од рака на рака, за на крајта да исчезне. Сите што доаѓаа нешто да земат, разговараа со мајка ми, ја убедуваа дека се што напишал Кочо и сите негови книги и тетратки, ќе бидат искористени за да се направи музеј’, раскажуваше своевремено Александар Солев.

Роднините на Кочо Рацин, во 2005 година остро реагираа кога во неговата Спомен-куќа, организаторите, Музејот на Велес, поставија и фотографија на Страхил Гигов, кој меѓу луѓето што сметаат дека поетот е смислено ликвидиран, важи за човек вмешан во сите тие настани.

Кочо Рацин е роден 1908 година. Заедно со него, во семејството на Апостол и Марија Солеви се родиле девет деца, а од нив станале живи само шест: Грозда, Кочо, Димко, Никола, Деса и Александар.

Негов врвен дострел се смета збирката ‘Бели Мугри’ од 1939 година. Официјално, тој е првиот македонски поет, иако последните години има и такви според кои таквиот примат му припаѓа на Венко Марковски.

Без разлика на ова, Кочо Рацин останува една од најголемите величини на борбата на Македонците за посебност, а веројатно заради тоа и толку многу магла околу тоа што навистина довело до убиството на 13 јуни 1943 година.

Advertisement
Радио KISS FM – Македонска Радио Мрежа

Continue Reading

ЕНЦИКЛОПЕДИЈА

Денес се навршуваат 2345 години од смртта Александар III Велики

Published

on

Денес се навршуваат 2345 години од смртта на најголемиот светски војсководец и Крал на Македонија и Македонците, фараон на Египет и Цар на Азија и Персија:

АЛЕКСАНДАР ТРЕТИ МАКЕДОНСКИ

1. Александар Велики основал над 70 градови, од кои 20 ги нарекол по себеси, а најпознат од нив е Александрија во Египет. Покрај тоа, недалеку од бојното поле околу реката Хидасп (сега позната како реката Јелам во Индија), Александар го основал градот Букефал, именуван во чест на неговиот сакан коњ, кој во оваа битка е смртно ранет.

2. Александар Македонски, Џингис Кан и Наполеон Бонапарта имаат едно нешто заедничко. Првото нешто што ни паѓа на ум е плановите за светската доминација, но всушност сите тие страдале од Алурофобија – страв од мачки.

3.Александар немa загубена битка, па дури и денес, воените академии ширум светот ја проучуваат неговата воена тактика. Тој беше брилијантен генерал. Од неговата прва победа, кога имал 18 години, до неговата смрт на 32 години, Александар Македонски нема загубена битка.

4. Малкумина слушнале за Македоно-будизмот. Терминот е поврзан со културниот синкретизам помеѓу македонистичката култура и будизмот што се развива меѓу четвртиот и петтиот век, на териториите на модерниот Авганистан, Индија и Пакистан. Оваа необична култура е формирана од долгиот синџир на настани што започнале со македонските рации во Индија за време на Александар Велики. Подоцна, развојот се одржал за време на создавањето на индо-македонското царство и процутот на Кушанската империја.

Advertisement
Радио KISS FM – Македонска Радио Мрежа

5. Легендата за Гордиевиот јазол е една од најпознатите легенди за Александар Велики. Митовите кажуваат дека фригискиот крал Горди направи сложен јазол и рекол дека оној кој ќе го одврзе, дека ќе стане следниот крал на Фригија. Во 333 година, кога Александар ја освоил Фригија, тој не размислувал долго и со својот меч го пресекол познатиот јазол.

6. Александар Македонски одржал натпревар во тоа кој ќе испие најмногу алкохол кај неговите војници. Иако војниците биле воодушевени од натпреварот, истиот за жал завршил со смрт од труење со алкохол на дури 42-ца од неговата македонска фаланга.

7. Денешна Република Македонија е модерна држава, која се наоѓа во центарот на Балканскиот полуостров во Југоисточна Европа и е директен и единствен наследник на античкото македонско кралство. А, Првата македонска држава е основана во осмиот век пред новото време.

8. Александар Македонски бил познат по неговата толерантност. По неговата победа над Персијците, Александар почнал да се облекува како персиски крал и земал две Персијки за своја жена. Причината за ова е едноставна – тој верувал дека освоените народи ќе се чувствуваат поудобно кога нивниот нов владетел ќе се придржува до нивниот обичај.

9. Неговата смрт до денес е мистерија. Постојат бројни теории, но вистинската причина за смртта на Александар Македонски е една од мистериите на античкиот свет. Модерните медицински експерти велат дека причината може да биде маларија, инфекција на белите дробови, откажување на црниот дроб или тифус. Но, никој не може да ја докаже својата теза.

Advertisement
Радио KISS FM – Македонска Радио Мрежа

10. Омилени херои на Александар биле митолошките ликови Ахил и Херакле. Омилените книги на Александар Македонски биле Хомеровите “Илијада” и “Одисеја”. Од дете, Александар бил инспириран од ликовите на Хомер. Приказната тврди дека дури и спиел со “Илијада” под перницата. Имагинацијата за иден голем државник ја добил од солунскиот воин Ахил, кој учествувал во Тројанската војна. Херакле (Херкулес), пак, имал најголемо влијание врз Александар, кој толку многу се восхитувал на најпознатата фигура од митологијата, што и сам се нарекувал син на Зевс (како и Херакле) и секогаш се фалел дека е потомок на Херкулес.

СЛАВА МУ НА НАЈГОЛЕМИОТ МАКЕДОНСКИ СИН!

Continue Reading

ЕНЦИКЛОПЕДИЈА

Митот за големата преселба на словените научно срушен

Published

on

Според напишаното може да се увиди дека Грците и Бугарите се вештачка творба за да се негира постоењето на Македонците како еден од најстарите народи во Светот и со сигурност најстар во Европа

Руски а и голем број на Други историчари односно археолози пркосат на Теоријата дека имало преселба на некакви си словени од кој настанале денешните нации и држави особено ќе се осврнат на делот околу Македонија

Група неупатени, но добро платени „експерти“, редовно, па дури и во специјални емисии на „разузнавачки“ телевизиски канали, тврдат дека Македонците се Словени, дека се доселени од „зад Карпатите“, користејќи трски за дишење за време на преминот на Дунав, и дека како доселеници мора да се откажат од антиката, односно од автохтоноста на овие простори. Притоа воопшто, барем интимно, како да не си ги поставуваат прашањата за тоа кои се Словените, како дошле на Балканот, кој ги предводел, колку време им било потребно со воловски запреги да дојдат до Македонија, со какво вонвременско оружје располагале за да ги победат староседелците на целиот Балкански полуостров, зошто нема ниту едно име на предводник во преселбата, какви што има за секој поход на разни народи на Балканот пред Големата преселба но и подоцна?

Или, зошто нема никаква материјална трага од Словените меѓу 6-от и 9-от век? Според историчарите кои не се сомневаат дека Словените навистина дошле од „зад Карпатите“, најголемата маса од околу 300 000 Словени на Балканот се доселила во 626-та година. Значи тргнале пролетта 625 година и за една година, односно за околу осум месеци, колку што може да се патува пред да падне зимата, поминале близу 1 500 километри, препливале десеттина големи реки, меѓу кои и Дунав, а потоа се населиле каде што им душа сака, каде што си одбрале место за живеење. Од друга страна, оние што се сомневаат во тоа, отворено се прашуваат со каква воена сила располагале Словените, кога само за една година поминале толкав простор, скршувајќи го за миг отпорот на староседелците. Како е возможно старите жители на Балканскиот Полуостров одеднаш да исчезнат, дури и ако се прифати претпоставката за нивно тотално истребување од страна на доселениците за многу кратко време, а притоа останале старите називи на планини, реки, ридови, потоци, мочуришта, извори, пештери и слично. Зошто новодојденото население прифатило такво мноштво туѓи називи од своите претходници, кои немилосрдно ги истребувале и прогонувале?

Ако доселениците можеле да искажат таква омраза кон староседелците, сметаат овие истражувачи, тогаш врз која основа го прифатиле нивното јазично и културно наследство? Ако пак доселениците прифатиле некаков период на заеднички живот во кој успеале да ги научат и усвојат сите називи и обичаи на староседелците, тогаш каква е таа монструозност што ги натерала да ја обноват првичната омраза претворајќи ја во геноцид?

Advertisement
Радио KISS FM – Македонска Радио Мрежа

Невозможни претпоставки за масовна преселба на цел еден народ!

Според ставот на официјалната историја, кој се уште е доминантен и во Македонија, Словените се доселиле на Балканот во релативно краток период кој обично се сместува меѓу 5-ти и 7-ми век. Ваквата претпоставка се базира на еден запис од 10 век на византискиот цар Константин VII Порфирогенит, според кој главната преселба се случила во 626-та година. Токму на оваа „историска вистина“ се „лепат“ речиси сите балкански „официјални“ историчари, специјалисти за тој период, модифицирајќи и отфрлајќи ги фактите што не се вклопуваат во таквото сценарио. Сепак, доколку прифатиме дека вакво масовно доселување навистина се случило, тогаш мора да претпоставиме дека тоа секако морало да предизвика драстични етнички и културни промени на Балканот, иако не се знае како „доселениот народ“ ги избегнал сите асимилаторски процеси во моќното византиско царство без да има пред тоа формирано некаква значајна државна формација.

Притоа, доминанатната „преселничка историографија“ воопшто не обрнува внимание на техничките претпоставки за една толку масовна преселба на цел еден народ. Според м-р Драгољуб Антиќ, магистер по нуклеарна физика и автор на околу 170 научни и стручни студии од својата струка, експерт за нуклеарнa енергетикa – инжењер по електротехника, соработник на Институтот за нуклеарни науки во Винча и редовен член Руската академија за наука и уметност во Санкт Петерсбург, постојат многу нелогичности во физичко-техничката изводливост на преселбата на Словените низ предели испресечени со големи планини, пустини, реки и мочуришта. Притоа физичкото преселување на населението од едно на друго место подразбира цела низа предуслови и техничка опременост за реализација на преселбата, а потоа и за успешно населување во новата средина.

Во секоја селидба не учествува само населението што се сели, туку, во голема мера, и населението што останува на местото на тргнувањето, потоа тука е домицилното население на териториите преку кои се случува преселбата, како и населението меѓу кое доселениците се сместуваат. Фактот што голем број топоними на Балканот се многу постари од 5-7 век зборува дека тие се наследени од староседелците, зашто наследување на топоними не е возможно ако некој народ се доселува во испразнети или минорно населени простори. Значи, наследените топоними се доказ дека морал да постои долг период на мирен соживот и јазичко проткајување. Меѓутоа, колку и да тврдат западните авторитети дека при големите преселби на народите настануваат големи мешања на населението и создавање на нови народни амалгами, а притоа неброените диви орди доаѓаат од некои недефинирани степи и северни пустари, каде што воопшто немало услови за опстанок на толку бројно населенјие, сепак не можат да не убедат дека таквите преселби се физичко-технички изводливи.

Еве, да замислиме преселба од пределот „негде зад Карпатите“ со која маса од 100 000 до 300 000 земјоделци со комплетните семејства, и со сето она што ги чини етничка група и организирана економско-политичка заедница, еден убав пролетен ден во 626-та година, тргнува на југ и се населува на Балканот во области на медитеранска клима. Патем мора да се знае дека тоа е население што живее од земјоделие, а тоа значи дека е поврзано со земјата, гробовите на претците, родовско-племенската организација и некаков организиран систем на одбрана од разбојници и освојувачи.

Advertisement
Радио KISS FM – Македонска Радио Мрежа

Се разбира дека сето тоа ја гуши желбата за преселба, па логично е таа да биде предизвикана со мотиви кои се појаки од наведените врски со родната грутка. Од друга страна, една заедница од неколку стотина илјади лица по правило троши толку храна за луѓето и за стоката колку што ќе произведе, зашто во спротивно вишокот на храна би пропаднал, па нема никаква смисла да се вложува толку тежок труд без потреба. Ако пак има вишок на храна, тоа делува на растот на наталитетот, а тоа го поништува вишокот на храна.

Како и да е, масовната преселба на земјоделско население подразбира неопходност, освен вообичаената резерва на храна, да се обезбеди и храна за барем уште една година однапред. Тоа значи дека е потребна барем двојна годишна резерва на храна на ниво на заедницата, но ако има можност за такви резерви на храна, тогаш каква е потребата од преселба.

Сепак, доколку претпоставиме дека и покрај се овој народ решил негде да се пресели, тогаш се поставува прашањето за транспортот на храната, опремата, алатките, облеката, реликвиите, стоката, живината и друго. Ако едно семејство од тоа време имало по 30 члена во три генерации, тогаш барем неколкумина од нив не се во состојба да поминат пеш пат од 1000-1500 километри. Значи, потребни се запреги за транспорт на овие лица, но и за резервите храна што се носат, па лесно може да се пресмета дека за едно семејство од 30 членови потребни се во просек 5 тешки запреги со по 4 коњи или волови, или дури 50 товарни коњи, ако семејството нема ниту една запрега.

Математички грешки во „пишувањето“ на историјата!

Во сите воени енциклопедии, почнувајќи од римските легионери до денес, стои дека дневниот оброк по војник е тежок од 500 до 1000 грама. Значи, дури и ако се користи оброк само за преживување, односно да се зема храна во тежина од околу 300 грама, за 500 дена, до првата жетва во новата татковина, неопходно е секое семејство од 30 члена со себе да понесе околу пет тона сува, концентрирана храна. Ваквата исхраната во тек на 18 месеци, ако воопшто е возможна, сигурно би довела до масовни болести. Сточната храна, пак, која исто така е неопходна, повеќекратно е потешка од храната за луѓето. Само за исхрана на еден коњ потребни се дневно меѓу три и пет килограми зоб и околу пет килограми сено.

Advertisement
Радио KISS FM – Македонска Радио Мрежа

Егзактните податоци од оваа област говорат дека просечен товарен коњ може да носи околу 100 килограми товар, а литературата за старите Словени тврди дека нивните преселнички коњи биле високи од 123 до 148 сантиметри. Запрежен коњ на добар и рамен пат може да влечи товар со тежина која е трипати потешка од нивната тежина.

Опсадата на Солун

Оттука, лесно може да се пресмета дека за потребите на преселбата, едно словенско „задкарпатско семејство“ од 30 члена треба да има пет тешки двоколки со по 4 влечни коњи или волови, или, доколку нема запрега, да поседува дури 50 товарни коњи! Факт е дека ваква ергела коњи не можело да има ниту едно тогашно семејство. Освен куп храна секое семејство морало да располага и со огромен возен парк од запреги со многу запрежни грла. Ако секое семејство има толку храна, стока, запреги, коњи, свињи, овци и кози, тогаш каде е мотивот за преселба на огромно растојание и во непозната средина?

Секако воопшто не треба да се пренебрегне фактот дека движењето низ непозната средина, со толку стока и храна, всушност е потенцијален плен на разбојници, па потребно е меѓу 10-30 000 војници за заштита, од кои барем неколку илјади коњаници, кои, се разбира, исто така, се товар на семејствата. Или, ако се знае каква габаритна колона е колона од 300 000 луѓе, се поставува прашањето со која брзина и колку долго колоната ќе се движи кон целта? Значи, ваква масовна преселба за толку кратко време едноставно не е возможна.

Сепак, за да видиме колку тој потфат навистина е неостварлив ќе се послужиме со сводоштвото на Карл Фон Клаузевиц, пруски генерал кој во 1812 година влегол во Русија и се борел против Наполеон. Според него, еден организиран марш на голема воена формација подразбира брзина на движење од 45 милји за 10 дена. И тоа, се разбира, е одлична брзина на движење за тоа време. Но, колоната на Словените што тргнале кон Балканот не е воена формација, па брзината на движењето на ваква колона е само неколку километри дневно. Ако за оваа преселба биле потребни да се поминат околу 1000-1500 километри, јасно е дека за тоа се потребни најмалку околу 200 дена без поголеми несреќи. Дури и ако народот се движи во една организирана формација, иако нема ниту едно име во историјата што останало забележано како водач на ваквата преселба, колоната би била долга околу 1000 километри, затоа што секое семејство би зазело околу 100 метра со своите запреги, крупна и ситна стока.

Advertisement
Радио KISS FM – Македонска Радио Мрежа

Може да се замисли каква колона е тоа, всушност жив мост кој го спојува местото на тргнување со местото на пристигнување. Или, додека едните уште би тргнувале, другите веќе би стигнале, на пример, во Стоби, Марвинци или Прдејци! Дури и ако би се организирале десет паралелни колони, а тоа е невозможно, зашто нема таква ширина на просторот низ кој се движеле, должината на секоја колона би била по околу 100 километри. Оттука би биле потребни околу 30 дена секој дел од колоната да ја помине замислената линија на својот пат кон Балканот. Ако пак колоната минува низ еден предел во тек на 30 дена, тогаш јасно е дека трева за испаша на стоката може да има само доколку колоната се развлече во ширина, а тоа треба да биде простор од околу 20 километри, кој би требало да се задржи во текот на целото патување.

Со вакво покривање на просторот би била опустошена, односно збришана секоја тревка и грмушка на површина од околу 150 000 квадратни километри, или простор кој е шестпати поголем од вкупната површина на денешна Република Македонија. Притоа проблемот со вода за пиење воопшто не е земен предвид од страна на „официјалните историчари“ кои тврдат дека Словените се доселиле од зад Карпатите токму на Балканот.

Да се напои со вода толкав народ и стока потребно е да се располага со вода за пиење на секои неколку километри, зашто нема никаква можност толкаво количество вода да се носи во запрегите. Слично е и со дрва за готвење и слично.

Преселбата е утопија измислена од западноевропските историчари!

Сепак, да претпоставиме дека овие храбри преселници сите реки на патот ги совладале со пливање, со скелиња или со прегазување, но потоа пред нив доаѓа Дунав. Што со Дунав? За да се зборува за поминување на Дунав со трски за дишење треба да се знаат неколку општи податоци. Имено, Дунав само во должината низ Србија, на пример, има длабочина од 1,8 до 21 метар, и ширина од 380 до 2000 метри. Од Ѓердап низводно Дунав е длабок 7 метри и широк околу 2600 метри. Во вливот тој во просек е широк околу 15 километри. Од Будимпешта до српската граница, особено на левата страна од Дунав, има повеќе мочуришта во ширина од 5 до 10 километри.

Advertisement
Радио KISS FM – Македонска Радио Мрежа

Значи преминот преку Дунав воопшто не е наивен потфат ни денес, а не пак пред 1400 години. Коњаниците во тоа време за премин на реки користеле надуени мешини од разни животни. Во некои учебници се оперира и со некаков премин преку замрзнатиот Дунав. Останува секако и романтичарската верзија дека Словените го поминале Дунав со движење по дното, дишејќи со трски истопорени над нивото на водата. Оваа верзија се разбира е сосема неверојатна, затоа што ширината на реката од неколку стотина метри, длабочината од повеќе метри, големиот мил, густата подводна трева и бројните вртлози и вирови сосема ја исклучуваат како можност. Останува најреално тоа да се стори со пловни средства, зашто чамците и сплавовите биле единствена можност во тоа време да се помине од едниот на другиот брег на Дунав.

Карта со која Србите го опишуваат доаѓањето на Словените во Ниш

Но, за превоз на 10 000 семејства потребни се околу 300 сплавови за да може превозот од едниот на другиот брег да се заврши за околу еден месец. Дури и ако претпоставиме дека системот бил многу организиран, потребни се многу дрвена граѓа и илјадници мајстори за да се реализира тој потфат. Сепак, и доколку Дунав некако се помине, следат барем уште месец или два за да се стигне до Македонија. И, по сите маки и искушенија, на целта, значи на Балканот, најпосле би стигнале во најдобар случај околу 100 000 луѓе. При таква бројна состојба целата преселба е бесмилена затоа што така мала група население нема доволно моќ да освои територија за населување.

Значи, според досега извршените и објавени пресметки, техничко-физичката поминување на 1500 километри само во текот на 626-та година е сосема невозможна, всушност тоа е утопија измислена од западноевропските историчари за да се поништи континуитетот на балканските народи. Имено, тој потфат не само што не е логичен, туку е и налудничав, зашто практично нема техничко-физички услови да биде успешно реализиран.

Поводот за да се измисли една ваква преселба е сумблимиран во тврдењето на Александар Фомич Вељтман дека сите народи на Балканот имаат предантички, антички и средновековен континуитет на истиот простор каде што се и ден денес. Тој, анализирајќи ги записите на Тацит пасус по пасус, наоѓа логични врски со таканаречените словенски племиња дури и во случај кога се работи за наобични називи и привидно неразбирливи описи. Називите на тие племиња официјалната историја ги игноирира, или ги препишува на некои изумрени племиња.

Advertisement
Радио KISS FM – Македонска Радио Мрежа

Вељтман докажува дека зад бројните варијанти на племенски имиња, кои често се модифицирани со превод на значењето на странски јазици, како грчки, латински, германски, готски итн., всушност стојат стари, автохтони балкански народи. Со овие племиња, кои се поклопуваат со локацијата на таканаречените словенски доселени племиња, се докажува континуитетот на ист народ со илјада години, иако современата западноисториска наука воведува бројни нелогични имиња на племиња со неразјаснети потекло, наоѓајќи за целиот тој хаос едно соломонско решение – голема преселба на народите! Значи, таква преселба немало.

Според тоа, смешно е да се пелтечи дека Македонија се антиквизирала; Македонија не може да се „антиквизира“; Македонија може само да се „словенизира“ според веќе спомнатото „соломонско решение“ на западноевропската историографија!

Continue Reading
Advertisement
НА ДЕНЕШЕН ДЕН11 hours ago

КОТЛАР ГО ЦИТИРА РАЦИН: Историјата сакаат да ни ја земат, за ни ја земат душата, оти ако немаме вчера, немаме ни денес, ни утре!

НА ДЕНЕШЕН ДЕН11 hours ago

НА ДЕНЕШЕН ДЕН: Во Прага пред 31 година е растурен „советскиот НАТО“, по што остана само западниот НАТО и потоа се прошири низ Европа

НА ДЕНЕШЕН ДЕН11 hours ago

КАЛЕНДАР НА МПЦ: Денеска е Св. маченици Леонтиј, Ипатиј и Теодул

НА ДЕНЕШЕН ДЕН11 hours ago

ДЕНЕСКА Е СВ. ЛЕОНТИЈ, ИПАТИЈ И ТЕОДУЛ: Тој час кога Леонтиј им ја изложи верата во Христа, светол облак се спушти над Ипатиј и Теодул

Вести19 hours ago

Мицкоски: Нема да прифатам менување на Уставот по бугарски барања и по цена на мојата политичка кариера

Вести19 hours ago

Не очекува тешка енергетска зима – власта тврди дека ќе нема рестрикции на струја

Вести19 hours ago

Сиромаштијата ќе расте – МТСП најавува пакет мерки за граѓаните во социјален ризик

Вести20 hours ago

Генчовска ги разобличи Ковачевски и Османи: Нема нов француски предлог кој се разликува од она што бугарскиот парламент веќе го прифатил

Вести20 hours ago

Николоски: Да имаше добар предлог за Македонија, Ковачевски ќе славеше и ќе го објавеше, а Радев и Петков немаше веднаш да го прифатат

Вести20 hours ago

Нестабилно време со пороен дожд и грмежи во подрачјето на Скопје

ЛЕГЕНДИ1 day ago

Алберт Сониксен (1878 – 1931)

ЕНЦИКЛОПЕДИЈА4 weeks ago

Митот за големата преселба на словените научно срушен

Вести3 weeks ago

Редовен класен час на Мирка Велиновска !

ЕНЦИКЛОПЕДИЈА3 weeks ago

Денес се навршуваат 2345 години од смртта Александар III Велики

ЕНЦИКЛОПЕДИЈА4 weeks ago

Британски лингвист за Македонскиот и Бугарскиот јазик

Вести3 weeks ago

„Кога народот ја зема правдата во свои раце, тогаш во два дена се апсат лица“ – силна поддршка за Алабакоски од јавноста!

НА ДЕНЕШЕН ДЕН3 weeks ago

Архиепископот г.г. Стефан до Вартоломеј: Ве молиме – не заборавајте нѐ, помагајте ни да растеме

Вести19 hours ago

Мицкоски: Нема да прифатам менување на Уставот по бугарски барања и по цена на мојата политичка кариера

ХРОНОЛОГИЈА3 weeks ago

Во Ваташа е објавено дигање на Тиквешкото востание против српскиот окупатор, за кое долго молчеа и историчарите

Лајфстајл4 weeks ago

Ужасна исповед на славната пејачка: Сопругот ме дрогираше, ја забремени дадилката и не ми дозволи да го видам татко ми кој умираше

НА ДЕНЕШЕН ДЕН1 month ago

НА ДЕНЕШЕН ДЕН: Oд предавство во Могила загинаа војводите Цветков и Дедо Андреја со 14 комити во бој со 300 души аскер

Вести1 month ago

КОВАЧКИ: Ковачевски и СДСМ да кажат дали знаеле и дали учествувале на средбите на Талат Џафери со лица кои се ризик за безбедноста

Вести2 months ago

Мицкоски: ВМРО-ДПМНЕ нема да поддржи отворање на Уставот

ХРОНОЛОГИЈА2 months ago

РАЃАЊЕ НА МАКЕДОНСКАТА НАЦИЈА ЕП 04

НА ДЕНЕШЕН ДЕН2 months ago

Денеска е Велигден

НА ДЕНЕШЕН ДЕН2 months ago

Свети Георгиј Исповедник

ХРОНОЛОГИЈА3 months ago

РАЃАЊЕ НА МАКЕДОНСКАТА НАЦИЈА ЕП 03

НА ДЕНЕШЕН ДЕН3 months ago

ВОЗБУДЛИВА ПРИКАЗНА ЗА МОШТИТЕ: Ова е вториот гроб на светиот Лазар во Ларнака на Кипар

Лајфстајл3 months ago

Концертен рекорд на Ацо Пејовиќ во СКОПЈЕ: Над 12.000 луѓе наизуст пееле, публиката „во транс“ на песните од Тома!

Вести3 months ago

ЗГРОЗЕН СУМ ОД ОВАА ДРЖАВА И СУДСТВО – се огласи таткото на загинатата Викторија, мајката се гушеше во солзи!

Историја

ЛЕГЕНДИ24 hours ago

Александар Кошка ( 1873 – 1907 )

Роден е роден 1873 година во влашкото село Гопеш, Битолско. Во Битола се школува во Романската гимназија, а потоа студира...

ЛЕГЕНДИ1 day ago

Александар Китанов – Сандо

Александар (Сандо) Китанов (1881 –23. XII 1906) е македонски учител, револуционер и војвода. Бил активен член на Македонската револуционерна организација...

ЛЕГЕНДИ1 day ago

Александар Евтимов (1874 – 1939)

Александар Евтимов (1874 – Софија, 1939) е македонски револуционер, преспански и прилепски војвода на ТМОРО, учител и публицист. Учествувал во...

ЛЕГЕНДИ1 day ago

Алберт Сониксен (1878 – 1931)

Алберт Сониксен (5. V 1878 – 16. VIII 1931) е американски новинар и публицист, кој ја поддржува македонската револуционерна борба....

ЕНЦИКЛОПЕДИЈА2 weeks ago

МИСТЕРИЈАТА ТРАЕ: Македонското национално прашање му пресуди на Кочо Рацин!?

Рацин бил смртно ранет, но не починал веднаш, туку неколку часа подоцна. Иако имало доволно време да биде однесен до...

ХРОНОЛОГИЈА3 weeks ago

Во Ваташа е објавено дигање на Тиквешкото востание против српскиот окупатор, за кое долго молчеа и историчарите

Тиквешкото востание, кое долго време било табу-тема и за историчарите, е прво востание во Македонија по Илинденското, дигнато десет години...

ЛЕГЕНДИ3 weeks ago

Димитар Ангелов – Габерот

Димитар Ангелов – Габерот (14. X  1916 – 10. VI 1943) е македонски деец на комунистичкото движење и еден од...

ЕНЦИКЛОПЕДИЈА3 weeks ago

Денес се навршуваат 2345 години од смртта Александар III Велики

Денес се навршуваат 2345 години од смртта на најголемиот светски војсководец и Крал на Македонија и Македонците, фараон на Египет...

ЛЕГЕНДИ4 weeks ago

Лазар Велков Тодев (1880 – 1924)

Лазар Велков Тодев (1880 – 22 септември 1924) познат како Дивљанец или Дивљански, е македонски револуционер и војвода на Внатрешната...

ЛЕГЕНДИ4 weeks ago

Јордан Сиљанов – Пиперката

Јордан Сиљанов – Пиперката (23. VI 1870 – 10. VIII 1903) – македонски револуционер, член и демирхисарски војвода на ТМОРО....

Популарни вести

AllEscortAllEscort