„Моја глава, мои правила“ е нивниот нов сингл, отпеан од музичарот Игор Дрвенкар.
„Ги надминавме дилемите, продолжуваме понатаму, бидејќи без свирење немаме цел. Аки секогаш ќе биде присутен во нашиот дух, а во Игор препознавме одличен човек со кого тргнуваме во нова авантура“, велат од бендот и го потврдуваат продолжувањето на нивните активности.
Музиката и текстот за новиот сингл „Моја глава, мои правила“ ги напиша Хусеин Хасанефендиќ Хус. Песната е напишана пред неколку месеци, кога членовите на бендот одлучија Игор да биде наследник на непрежалениот Аки Рахимовски.
- Спонзор -
Станува збор за еден од најдобрите локални млади вокали кој ја воодушеви јавноста со своите настапи во шоуто А страна и во мјузиклите Убавицата и ѕверот и Исус Христос Суперѕвезда. „Замислете ја ситуацијата одеднаш да се најдете на сцената од публиката, со најголемиот бенд на овие простори. Секое утро се штипкам за да се уверам дека ова не е сон и свесен сум за одговорноста што ја носи оваа улога“. вели Игор.
Видеото е дело на загрепскиот фотограф и режисер Динко Чвориќ – Доринг, со тим составен од Давор Батисвајлер (дополнителна камера), Марија Цвитановиќ (стајлинг) и Ивана Шимуниќ (шминка). Атмосферата која владее во спотот, членовите на бендот даваат јасна порака дека се заедно, свират и има повеќе инспирација во нив.
Заедно со музичките пријатели и публиката, Парни ваљак му оддаде почит на Аки Рахимовски со два концерта минатата година, Ваљак и пријателите: Доста е кажано…Аки, одржан на 26 март во загребската арена, а потоа на 25 јуни во арената во Пула .
Бендот сега влегува во ново поглавје бидејќи, како што самите потврдуваат, едноставно не можат без свирење. Новата авторска песна е првиот чекор од таа авантура.
