Официјално: Артур во Јувентус за 72.000.000 плус 10.000.000 евра

Трампата за која во последните денови интензивно зборува цела фудбалска Европа, денеска ја доби и својата прва официјална потврда.

Барселона потврди дека го продала бразилскиот играч за врска Артур во Јувентус за 72.000.000 евра плус 10.000.000 евра низ бонуси! Барем така ќе биде заведено во официјалните книги. А суштината е дека Барса за некој ден повеќето од тие пари ќе му ги врати на Јувентус преку купување на Миралем Пјаниќ.

Сепак, Каталонците успеаја во намерата до 30 јуни да обезбедат поголем дел од парите за регулирање на финансискиот фер-плеј. Барселона до 30 јуни мораше да оствари профит од 124.000.000 евра преку продажба на играчи, а со трансферот на Артур во Јувентус покрија речиси половина од таа сума. Остатокот би требало да надомести со уште некоу откупи на позајмици и продажба на резервистите.

Бразилецот пред две години беше платен 31.000.000 на Гремио и потпиша договор на шест години. Кога платената сума ќе се подели на тие шест години, се добива преостанатата трансфер амортизација од 20.000.000 евра. Толку уште Барса во следните шест години требаше да плати за трансферот на Артур. Со продажбата на Бразилецот во Јувентус за фиксни 72.000.000 евра, Барса заработи чисти 52.000.000 евра, а во зависност од бонусот, клупските сметки следните години би можеле да бидат засилени. Така ќе стои утре во финансиските извештаи кои Барселона ќе ги претстави за крајот на фискалната година и во кои ќе стои дека го испочитувала финансискиот фер-плеј до 30 јуни кога истекува рокот.

Но, веќе од задутре повеќето од парите добиени од продажбата на Артур која денеска влегува во финансискиот извештај, ќе мора да ги врати на Јувентус. Ќе платат 60.000.000 за трансферот на Миралем Пјаниќ и на тој начин Јувентус ќе остане во минус само 12.000.000 евра, а ќе добие седум години помлад играч.

Двајцата играчи вчера ги минаа лекарските прегледи во Торино со оглед на тоа дека докторите на Барса допатуваа во Италија бидејќи така им беше полесно во оваа ситуација со коронавирусот отколку Босанецот да доаѓа во Шпанија. Кога лекарските прегледи завршија, Артур прв стави потпис на петгодишниот договор со Јувентус според кој ќе заработува 5.000.000 евра по сезона. Но, нема уште да ја задолжи опремата на Јувентус, туку актуелната сезона ќе ја заврши во Барселона. Исто како и Пјаниќ во Јувентус.

Кога и трансферот на босанскиот играч за врска ќе биде потврден, ќе може да се каже дека Јувентус направи одличен потег. Доби играч за чии технички квалитети досега имаше само пофалби. Артур дојде во Барселона како замена за Чави и се виде дека е играч за тоа. Од Меси до Чави, голем број сегашни и екс играчи беа импресиониран од потенцијалот на Артур, но тренерите никогаш не му дадоа доволно шанси експлодира.

Од друга страна, Барса го доби Пјаниќ кој е седум години постар и е во надолна линија во кариерата. Се надеваат дека тој би можел да биде играчот кој им недостасува од заминувањето на Чави. Впечаток е дека на Барса многу поважен и беше финансискиот дел од трансферот и како да ја пополни дупката во годишниот извештај, отколку што Пјаниќ беше толку важен поради фудбалските квалитети, кои сепак се неспорни.

Related Articles

Leave a Reply

Your email address will not be published. Required fields are marked *