Виктор Осимен, напаѓачот на Наполи, е веројатно најбараниот напаѓач во светот во моментов.
Нигериецот е најдобар стрелец во Серија А, во која „наполитанците“ импресивно се доближуваат до титулата, а тој со голот против Ајнтрахт во првиот меч го турна својот тим во четвртфиналето од Лигата на шампионите.
За брилијантниот напаѓач интерес покажаа многу клубови, а пред се Манчестер Јунајтед и Челзи. Но, Осимен во моментов не му придава големо значење.
- Спонзор -
„Ме интересира само Наполи и ништо друго. Што ќе се случува во иднина со мене и Наполи, ќе видиме и дознаеме на крајот од сезоната“, изјави Осимен, кој има договор со „наполитанците“ до јуни 2025 година.
Осимен во текот на кариерата одигра 22 натпревари за репрезентацијата на Нигерија и постигна дури 15 голови.
