Опожарен „опел“ во Скопје, оштетен уште еден автомобил

52

Синоќа после полноќ дошло до опожарување на возило во скопската населба Топанско поле, извести МВР.

На 07.05.2023 во 01.35 часот во СВР Скопје било пријавено дека на ул.„Благоја Паровиќ“ во Скопје настанал пожар во патничко возило „опел мерива“ со скопски регистарски ознаки, сопственост на лице(34) од Скопје.

Од пожарот било зафатено и патничко возило „ауди“ со скопски регистарски ознаки, сопственост на човек (48) од Скопје, кое било паркирано до возилото „опел“.

-Повредени лица нема, а пожарот бил изгаснат од екипа на Бригадата за противпожарна заштита Скопје. Увид бил извршен, информираа од полицијата.