Лестер и Арсенал во рамките на 25. коло на Премиер лигата одиграа попладнево, а победата замина кај актуелниот лидер со минимален резултат од 0-1.
Интересна ситуација беше видена кога на теренот наместо Одегард со капитенската лента влезе Олександр Зинченко.
Имено, постои посебна причина зад одлуката Зинченко да биде капитен на денешниот натпревар, а навивачите се воодушевени од потегот на Арсенал.
Токму капитенот на Топџиите, Мартин Одегард побара од Микел Артета капитен на денешниот натпревар да биде Зинченко поради годишнината од војната во Украина.
Артета го прифати тоа, и тоа не беше крајот. Денеска капитенската лента на Арсенал беше во боите на украинското знаме.
