НФЛ ѕвезда обвинета за силување на својот тренер

Sharing is caring!

Антонио Браун е суспендиран по кавгата со тренерот на Оуклен рејдерс, Џон Груден, но потоа се појавија информации дека клубот нема намера да му ги исплати гарантираните 29 милиони долари. Играчот преку социјалните мрежи побара да биде отпуштен, и по само неколку часа му се исполни желбата. Еден од најдобрите вајд рисивери во НФЛ лигата, експресно си најде нов ангажман, стана играч на шампионот Њу Ингланд петриотс кои за едногодишен договор ќе му исплатат 15 милиони долари, плус ќе добие и шест милиони како бонус за самиот потпис.

Сепак, приказната вчера вечерта доби нова димензија бидејќи Антонио Браун е обвинет за силување на својот поранешен тренер.

Според „Њујорк тајмс“ против Браун е поднесена федерална тужба во која е обвинет за силување на Бритни Тејлор, гимнастичарка која ја запознал на колеџот во Централен Мичиген и кога била ангажирана како негов личен фитнес тренер.

– Одлуката да прозборам и да признаам дека бев жртва на силување не беше воопшто лесна. Но, пронајдов сила во своето семејство како и во храброста на другите жртви. Јавното признание го намалува срамот кој го чувствував сиве овие години. Ќе соработувам со НФЛ и со сите со кои е потребно, но, во овие моменти ги молам медиумите да ја почитуваат мојата приватност – се наведува во изјавата на Бритни Тејлор која ја објави нејзиниот адвокат.

Во тужбата се наведува дека Браун во два наврати во јуни 2017 и 2018 година, сексуално ја вознемирувал Тејлор. Првиот пат се соблекол пред неа и ја бакнувал без нејзина согласност. Вториот случај е далеку потежок, тој ја силувал Тејлор. Во мај 2018 година, Антонио Браун на сила ја соборил Тејлор на креветот и ја силувал иако таа се обидувала да се одбрани и му повторувала да престане.

Бритни Тејлор ја прекинала соработката со Антонио браун по наводниот инцидент и во обвинението се наведува дека неколку месеци подоцна ја контактирал за да и се извини и ја уверувал дека ништо слично нема да се повтори.

Адвокатот на Антонио Браун се јави со соопштение дека тужбата не е ништо друго туку обид на тужителката да дојде до пари. Според адвокатот, Тејлор била лута бидејќи Антонио Браун не сакал да инвестира 1.6 милиони долари во нејзиниот бизнис.

„Ќе превземеме се за да ја симнеме дамката од името на Антонио и да ги заштитиме сите спортисти од вакви лажни обвиненија. Кога господинот Браун одби да инвестира 1.6 милиони долари во нејзиниот бизнис, таа ги прекина сите контакти со мојот клиент. Сепка, во мај 2018. година се јави и се понуди да патува во Пенсилванија и Јужна Флорида за да продолжи да биде негов тренер во подготовките за новата сезона. Секоја сексуална врска со Браун била со нејзина согласност. Таа сама објавуваше негови фотографии на социјалните мрежи за да може финансиски да профитира“ – наведе адвокатот Дарен Хитнер.

Related Articles

Leave a Reply

Your email address will not be published. Required fields are marked *