Apple е повторно на удар – корисниците на iPhone го преплавија Twitter со поплаки за најновото ажурирање на iOS 16.4.1(a) во последните денови.
Според корисниците, споменатата надградба ја уништува батеријата на телефонот и ја намалува способноста на уредот да одржува „здраво“ полнење на батеријата.
Еден корисник објави на социјалните мрежи дека батеријата на неговиот iPhone се деградирала за 22 отсто за само 46 минути, додека друг забележал дека изгубил 30 отсто од батеријата за половина час.
Некои корисници одат толку далеку што размислуваат целосно да го отфрлат својот iPhone, а многумина се жалат и на проблеми со прегревање на уредот.
- Спонзор -
iOS 16.4.1(a), познат и како ажурирање Rapid Security Response, ненадејно беше објавен од Apple минатата недела за да се поправат некои безбедносни проблеми.
Овој тип на „мини“ софтверско ажурирање се планира да го премости периодот до големите ажурирања што се планирани за iPhone, iPad и Mac уредите.
Иако Apple допрва треба официјално да коментира за проблемите што корисниците ги пријавуваат, тој истакнува дека некои од проблемите со кои се соочуваат луѓето можеби се нормални за овие типови на ажурирања на софтверот.
Промените, кои со себе носат ажурирања кои се поинтензивни и трошат повеќе енергија, може да бараат часови или дури денови за надградба, посочува ZDNET.
„Не само што е зголемена потрошувачката, туку рекалибрирањето на батеријата може да остави впечаток дека батеријата се троши побрзо, иако тоа не е случај во реалноста“, се истакнува.
Ако проблемите продолжат неколку недели по спроведувањето на ажурирањето на iPhone, неопходно е да се провери максималниот капацитет на батеријата.
За да го проверите ова, треба да отидете во менито Settings, потоа скролајте до табот Battery и допрете на него.
Ако батеријата треба да се замени, ќе се појави „важна порака за батеријата“, што покажува дека состојбата на батеријата значително се влошила.
Исто така, на својата веб-страница, Apple обезбедува листа на совети за корисниците како да го максимизираат траењето на батеријата. Ова вклучува избегнување изложување на уредот на високи температури, отстранување на одредени маски при полнење и слично.
Извор: Кајгана.мк
Преземањето на овој текст или делови од него без непосреден договор со редакцијата на ГСМ Медиа значи експлицитно прифаќање на условите за преземање, кои се објавени тука.
