На корисниците на мобилни телефони во Кина од денеска им се скенираат лицата

Sharing is caring!

Во Кина почнувајќи од денес на секој корисник на мобилен телефон ќе му се скенира лицето затоа што властите сакаат да го проверат идентитетот на повеќе стотини милиони корисници на интернет. Кина веќе со години се обидува да воведе прописи за да се осигура дека сите кои користат интернет тоа го прават користејќи го своето вистинско име.

Владата соопшти дека сака да ги заштити легитимните права и интереси на граѓаните во сајбер просторот. Кина веќе користи технологија за препознавање лице со цел следење на населението. Земјата е светски лидери во технологиите од овој тип, но се поголемата употреба на тие технологии последните години поттикна остра дебата.

При купување или регистрација на нов мобилен телефон или друг уред кој содржи мобилни податоци Кинезите мора да покажат лична карта и мора да се фотографираат. Меѓутоа, тие отсега ќе мора и да го скенираат лицето за да се утврди веродостојноста на фотографијата во личниот документ.

Суштината е владата да може да ги идентификува корисниците на мобилни телефони со што се елиминираат анонимните телефонски броеви и интернет сметки, а со тоа се зголемува сајбер безбедноста и се намалуваат измамите на интернет. Најголем дел од корисниците во Кина влегуваат на интернет преку мобилен телефон.

The post На корисниците на мобилни телефони во Кина од денеска им се скенираат лицата appeared first on Иновативност.

Related Articles

Leave a Reply

Your email address will not be published. Required fields are marked *