Продавниците, киосците и штандовите во туристичките места ќе можат да работат во недела и на државен празник.

Собранието го изгласа Законот за трговија, каде освен трговците на големо и мало, во недела ќе работат и цвеќарниците.

Сепак, со овој закон не се опфатени занаетчиите, за кои пак треба да се изгласа Законот за работни односи. Вака, усвоен е само половичен законот, а дејностите кои ќе бидат привлечни за туристите, ќе останат затворени.

„Занаетчиската Комора го предложи предлог законот за работни односи, каде точно е прецизирано дека самостојните вршители на дејност, ќе можат да работат во недела и ќе се решеше онаа болка за која 6 месеци алармираме. Дека во време на криза, потребно е занаетчиите да работат во недела. Денеска Собранието ги усвои само измените и дополнувања на Законот за трговија, со кој се предвидува трговците поединци и ДОО и ДООЕЛ да можат да работат во недела“, изјави Анета Андоновска, претседател на Комора на занаетчии.

Скроеното законско решение е контрадикторно и нелогично, коментираат познавачите од туристичкиот сектор.

Advertisement

Прашуваат – Што се подрзабира под туристичко место? Дали само Охрид, Струга и Дојран се туристички места, како што пишува во законот. И зошто не е Скопје, кој е втор град по посетеност, или Маврово или Битола, односно секој град кој има некоја знаменитост. Бараат да се допрезицира законот, во консултации со Коморите и бизнис фелата.

Инаку, со предложеното решение се очекуваше и значително намалчување на сивата економија, бидејќи во моментов, голем дел од занаетчиите свесно го кршат законот.

-Поголем дел од занаетчиите, како фризерските и козметички салони, шминкери и слично свесно го кршат законот, затоа што работат во недела, кога има прослави, веселби и слично, додава Атанасовска.

Почетокот на годината Владата ги донесе законите за трговија и работни односи, каде недела за 90% од дејностите стана неработен ден.

За работниците пак, кои работат во недела, пропишана е двојна дневница. По барање на Коморите, се поднесоа измени, кои до сега само делумно се прифатени.

Advertisement

Фото за вовед: YouTube видео: Категорија: БизнисНовинар: Наташа Мерсовска

Со власта на СДСМ и ДУИ на Македонија и се случува енергетска катастрофа, а на граѓаните огромно осиромашување. Само по основ на цената на струјата која ја достави ЕЛЕМ (ЕСМ) за периодот јули-декември 2022 година, која е за 17% повисока од досегашната, се очекува нов сериозен ценовен шок за граѓаните и компаниите. АД ЕЛЕМ сега пак на грбот на граѓаните ќе го покрива своето катастрофално работење. За само 7 месеци потрошија 200 милиони евра народни пари, во најголема мера за да го надоместат недостатокот на домашно производство на електрична енергија кое лани беше на рекордно најниско ниво од 3200 GWh. Патем ЕЛЕМ од најрентабилна компанија во последните години се претвори во загубар, поради лошите енергетски политики на власта на СДСМ и ДУИ и ужасно лошото раководство на компанијата. Поради честите дефекти, немањето нови наоѓалишта, поради празни акумулации, поради криминалните тендери во изминатиот период оваа власт за граѓаните ја поскапе цената на струјата за над 30%, а сега готви ново покачување. Ваквото покачување немаше да биде толку големо доколку се работеше домаќински и одговорно. Доколку навреме се произведеше домашна струја која е далеку поефтина од увозната, ќе се уштедеа стотина милиони евра кои можеа да се искористат во нови производствени капацитети. Доволно беа оправдувањата на власта. Нивната неспособност граѓаните два пати ја плаќаат, еднаш со буџетските народни пари, друг пат со парите од својот џеб. Потребни се избори за оваа власт да си замине. Центар за комуникации на ВМРО-ДПМНЕ

Министерството за труд и социјална политика известува дека на ден 28.06.2022 год. (вторник) започнува етапната исплата на јунските пензии, кои продолжуваат да се исплатуваат предвремено.

Подигнувањето на пензиите преку филијалите и експозитурите на банките за пензионерите кои не користат картички ќе се реализира во четири групи, според висината на пензијата:

За пензии со висина до 11.000 денари, исплатата да се изврши на 28.06.2022 година (вторник);

За пензии со висина 11.001-14.000 денари, исплатата да се изврши на 29.06.2022 година (среда);

За пензии со висина 14.001-18.000 денари, исплатата да се изврши на 30.06.2022 година (четврток); и

Advertisement

За пензии со висина над 18.001 денари, исплата да се изврши на 01.07.2022 година (петок).

Пензионерите кои користат платежна картичка, поврзана со сметката на која се префрлува пензијата, со парите можат да располагаат од 28 јуни (вторник). Тие можат да ја подигнат пензијата на банкомат, да ги користат средствата за плаќање во трговската мрежа или за електронски плаќања.

Министерството за труд и социјална политика укажува дека пензиите се сигурни на сметките на корисниците, пензискиот систем е стабилен и функционира без проблеми. Апелираме до пензионерите да се придржуваат до распоредот за исплати, затоа што етапната исплата е направена со цел да се намали метежот пред и во банките со цел заштита на личното и јавното здравје.