НАСА го откри новиот вселенски костим

Големите, надуени бели костими што ги носеле Нил Армстронг и неговите колеги од „Аполо“ пред половина век веќе не се во мода. Сега се бара нешто посоодветно и поудобно за астронаутите.

НАСА во средата го претстави првиот прототип за новодизајнираниот вселенски костим од следната генерација, специјално скроен за првите астронаути што се очекува да стапнат на површината на Месечината во следните неколку години.

Најновиот костим беше прикажан во вселенскиот центар „Џонсон“ во Хјустон на настанот организиран за медиумите и студентите од „Аксиом спејс“, компанија која го направи костимот за „Артемида“, програмата-наследничка за слетување на Месечината.

.@Axiom_Space revealed a spacesuit prototype that our @NASA_Astronauts plan to wear near the Moon’s South Pole on @NASA’s #Artemis III mission.

The spacesuit will give lunar explorers extra mobility, protection, & the latest technology. Discover more: https://t.co/uxH21hkSjd pic.twitter.com/bqxcrwR6Y6

— NASA Artemis (@NASAArtemis) March 15, 2023

НАСА и Канадската вселенска агенција планираат да објават кои четворица астронаути се избрани да летаат наредната година на „Артемида 2“, уште една мисија за одење и враќање. Доколку е успешен овој лет, ќе се отвори патот за планираната астронаутска експедиција на „Артемида 3“ на површината на Месечината. Ова ќе биде првата мисија што ќе испрати жена да оди на Месечината.

Бил Нелсон, шеф на НАСА, изјави дека новите вселенски костими ќе отворат можности за повеќе луѓе да ја истражуваат Месечината.

Live now: @Axiom_Space and NASA reveal the spacesuit prototype for @NASA_Astronauts to wear near the Moon’s South pole on #Artemis III.

Remarks & suit demo – 10:30am EDT (1430 UTC)

Student Q&A – 11:15am EDT (1515 UTC) https://t.co/40CHKOpZdy

— NASA (@NASA) March 15, 2023

Облеката што ќе ја носат астронаутите на „Артемида“ ќе изгледаат поинаку од гломазните скафандери од минатото.

Брендирани од „Аксиом“, новите костими се порационализирани и пофлексибилни од старите, со поголем опсег на движење и варијабилност во големината. Дизајнирани се да одговараат на широк спектар на потенцијални носители, со што одговараат на најмалку 90 отсто од машката и женската популација во САД.

Сепак, прецизниот изглед на костимите остана строго чувана деловна тајна. Компанијата соопшти дека костимите што астронаутите ќе ги носат на јужниот пол на Месечината ќе бидат бели бидејќи тоа е најдобрата боја за да се рефлектира сончевата светлина на површината на Месечината и да се заштити астронаутот од екстремна топлина.

Извор: The Guardian

Фото: NASA/Twitter