Наполи лесно го доби првиот натпревар од 24. коло во Серија А на гостувањето кај Емполи – 2:0.
Наполи ја чека титулата од 1990 година, а како што сега стојат работите на крајот од сезоната ќе слави во градот во подножјето на Везув. Наполитанците се убедливо први во Серија А, а на чело на табелата се засилија по триумфот на страна против Емполи.
Избраниците на Лучијано Спалети го завршија најголемиот дел од работата во првото полувреме. Поведоа во 17. минута со автоголот на Исмајли, а 11 минути подоцна погоди и Осимен.
Нигериецот, сметајќи ги сите натпреварувања, постигна гол на седум меча по ред, и е убедливо најдобар стрелец во Серија А.
Во вториот дел Наполи остана со играч помалку, Марио Руи беше исклучен во 67. минута, но тоа не му помогна ниту на Емполи.
Нашиот Елмас повторно доби шанса од клупата откако во 72. минута го замени Кварацкелија.
