НА ДЕНЕШЕН ДЕН
Меѓу небо и земја – Спомен на Старец Пајсиј Светогорец

Што се однесува на отец Пајсиј, еве еден благодатен настан кој е непосредно поврзан со него и неговиот живот. Снимено на магнетофонска трака, за која не знам со сигурност кој ја снимил, а мислам дека е некој монах од манастирот Ставроникита, ви го пренесувам она што мислам дека е посебно значајно за мене. „За отец Пајсиј, кој се подвизува во ќелијата на блаженопочинатиот отец Тихон Руски. Ќелијата припаѓа на атонскиот манастир Ставроникита.“ Патувајќи кон Кипар, старец Силуан, послушник на старец Јосиф Спилеот (познат уште како Јосиф Исихист), навратил во манастирот Григоријат да земе благослов од старец Георгиј (настојател на овој манастир). Го замоливме старец Силуан да ни каже нешто душеполезно и тој ни раскажа за еден занимлив настан во животот на старец Пајсиј. „Тешко се разболев“ зборувал старец Пајсиј. „Беше длабока зима, и имаше толку снег што ниту едно дрво, затрупано во белината, не личеше на дрво. Патеките потполно се изгубија во снегот, птиците замолкнаа и се сокрија, а облаци и магла го покрија Атос. Беа прекинати сите контакти со манастирот Ставроникита и мислев дека нема да проживеам за неколку дена, бидејќи болеста ме беше приковала за постела. Очекував Бог да ми ја земе душата и по Својата милост да ја поведе со Себе. Не можев ниту чај да си направам, ниту печката да ја наложам со дрва. Немав ниту вода за пиење. Мојот живот беше препуштен на милоста Божја: „Господи во Твојата милост се доверувам, не ме оставај!“ После оваа кратка молитва која едвај ја прошепотев со голем напор, видов во мојата ќелија како се појавуваат ангели и светители кои Бог ми ги испрати. „Нека пред мене оди твојата благодат Господи!“ Се заблагодарив и го прославував својот Спасител. Заплакав. Еден од ангелите палеше оган во печката, друг подготвуваше топла храна, ми донесоа и миомирисен леб. Се најдов во рајот. Што друго да посакам? Светиите почнаа да ме крепат со утешни зборови. И самиот поглед на нив ми даваше спокој. Ме укрепија и ми дадоа надеж. Седеа не многу далеку од мене сè додека не зајакнав, да бидам во состојба да си служам сам на себе си. Потоа отидоа, но се појавуваа преку целата недела. Подоцна, кога закрепнав и излегов од ќелијата, природата која ме опкружуваше ја гледав со други очи. Тогаш ја сфатив смислата на созданието на тварта, смислата на созданието на човекот и светот. Внатре во мене заблеска нетварна светлина на благодатта на Светиот Дух. Јас не бев достоен за тоа, но во тоа се изрази безграничната љубов и добрина Божја спрема Неговата твар. Чувствував таква благодат која ме исполнуваше и обземаше што во еден момент реков: „Доста е, Боже мој, не можам повеќе да издржам, ќе експлодирам! Или земи ме при Себе или намали ја благодатта која ми ја даде. Ако ми даде ваква благодат сега, не можам ниту да замислам што ќе биде во рајот! Нема да умрам, доволна ми е оваа благодат која сега ја имам!“ Ете браќа, голема и натприродна е помошта што ни ја дава Творецот кога болниот трпеливо ја поднесува својата болест и нема друг помошник на земјата освен Бога. Голема е Твојата милост, Боже наш! Отец Дионосиј Тацис „Атонски дневник“ Извор: http://www.pppe.mk/2016/%d0%bc%d0%b5%d1%93%d1%83-%d0%bd%d0%b5%d0%b1%d0%be-%d0%b8-%d0%b7%d0%b5%d0%bc%d1%98%d0%b0-%d1%81%d0%bf%d0%be%d0%bc%d0%b5%d0%bd-%d0%bd%d0%b0-%d1%81%d1%82%d0%b0%d1%80%d0%b5%d1%86-%d0%bf%d0%b0%d1%98/#more-9270
НА ДЕНЕШЕН ДЕН
ДЕНЕСКА Е СВ. МАЧЕНИК КАЛИНИК: Мене секоја мака за мојот Бог Исус Христос ми е добредојдена како леб на гладен

Денеска е 29 јули (по стар стил) и се слави Светиот маченик Калиник. Родум од Киликија. Од малечок воспитан во христијанското благочестие. Остави сè и тргна да го проповеда Евангелието. Во Анкира беше фатен од некој незнабожечки кнез Сакердон. Кога кнезот му се закани со грозни маки доколку не им се поклони на идолите, свети Калиник му одговори: „Мене секоја мака за мојот Бог ми е добредојдена како леб на гладен“. По страшни измачувања и заплашувања, кнезот го обу во железни опинци со внатрешни клинци и нареди да го водат до градот Гангрски, затоа што не смееше веќе да го мачи ниту да го погуби во Анкира, бидејќи мнозина што го гледаа јуначкото трпење на Божјиот човек се обратија во верата Христова. По патот војниците ожеднеа, а немаше вода. Свети Калиник му се помоли на Бога и изведе вода од еден камен. Кога пристигнаа во градот Гангрски мачителите го фрлија свети Калиник во вжарена печка. А светителот му вознесе молитва на Бога, велејќи: „Ти благодарам, Оче Кој Си на небесата, Кој ме удостои за овој час во кој за Твоето име умирам“. Потоа влезе во огнот. Кога изгасна огнот, го најдоа неговото тело мртво, но неповредено и цело. Чесно пострада и се украси со венец на вечна слава во 250 година.
НА ДЕНЕШЕН ДЕН
КАЛЕНДАР НА МПЦ: Денеска е Св. маченик Калиник

Според календарот на МПЦ (Јулијанскиот календар) денеска е 29 јули. Денеска е Св. маченик Калиник. Свети Калиник пострада маченички околу 250 година. Беше родум од Киликија и се беше оставил заради проповедта на Евангелието. Поради тоа и беше затворен во Анкира од некој кнез Сакердон. Овој го принудуваше да им се поклони на идолите заканувајќи се со тешки измачувања, а кога светиот ги презре сите негови зборови овој го стави на маки. Трпеливото поднесување на маките од страна на св. Калиник направи многумина да поверуваат во Христа. Кнезот потоа го стави во железни чевли со шајки во нив и го препрати во Гангрија за таму да го погубат се плашеше од неговото сведоштво пред народот. А во Гангрија свети Калиник беше фрлен во вжештена печка, во која и погина. А откако огнот згасна, го најдоа неговото тело цело. ОД КАТОЛИЧКИОТ КАЛЕНДАР: Денеска е Св. Клара. Била родена во дванаесеттиот век. Со помош на свети Фрањо кој го основал фрањевачкиот (монашки ред), го основала редот на милосрдни сестри кои биле наречени Клариси и живееле во манастир каде се молеле. Кога сарацените го запоседнале Асиз, света Клара излегла пред нив држејќи во рацете сад во кој имало Свето причестување. Тие се откажале од освојувањето на Асиз. Света Клара умрела по 40 години живот во манастир во молитва и пост.
НА ДЕНЕШЕН ДЕН
УТРЕ ДВОЕН ХРИСТИЈАНСКИ ПРАЗНИК: Се слави Св. Климент Охридски Чудотворец и големиот исцелител Св. Пантелејмон

Марко КИТЕВСКИ Утре на 27 јули по стар стил, односно на 9 август според новиот календар, се празнува споменот на св. Климент Охридски кој е упокоен на овој ден 916 година, а овој ден Светата православна црква го празнува и споменот на големиот исцелител свети Пантелејмон. Именден празнуваат: Пантелеј, Панде, Пано, Панка, Панто,Панчо… Големиот македонски и сесловенски просветител свети Климент Охридски Чудотворец починал на денешен ден 916 година. Но бидејќи тој и за време на својот живот именденот го празнувал на 8 декември (25 ноември с.с.) на празникот на Св. свештеномаченик Климент епископ Римски, подоцна неговиот главен празник бил поместен на овој датум, а на денешен ден се празнувал заедничкиот спомен на седумтемина рамноапостолни словенски светители познати како свети Седмочисленици (св. Кирил, Методиј, Климент, Наум, Сава, Горазд и Ангелариј). Св. Климент Охридски Чудотворец е најпознатиот ученик на светите браќа Кирил и Методиј, последен од нив починал и поради тоа денот на неговото упокојување бил земен за нивни заеднички празник. Светиот великомаченик Пантелејмон спаѓа меѓу најпознатите исцелители што лечеле со Божја помош. Настрадал за време на царот Максимилијан кога е вршен страшен прогон на христијаните. Роден е во Никомидија во областа Витанија во Мала Азија. Најпрвин се викал Пантелеон, што значи „лав во сè“, а подоцна бил наречен Пантелејмон што значи „семилостив“. Татко му бил паганин, а мајка му христијанка, којашто од мал го воспитувала во христијански дух. Но таа умрела додека тој бил мал, а татко му го дал да го изучува лекарскиот занает кај познатиот лекар Евстрогиј кој го лекувал и царското семејство. Така младиот Пантелејмон се стекнал со симпатии и од царот Максимилијан кој од учителот барал да не го жали трудот кога се работи за образованието на младиот ученик. Така Пантелејмон со многу желба од своја страна, но и со внимание од страна на познатиот лекар го изучувал лекарскиот занает, се стекнал со многу симпатии и од пошироката средина и бргу напредувал во медицинските науки. Пантелејмон секој ден го посетувал својот учител Евстрогиј. Патот минувал покрај една бедна куќичка во која живеел еден стар свештеник по име Ермолај. Тој посакал Пантелејмона да го воведе во вистинската вера. Најпрвин го повикал и го распрашувал за неговите родители и за неговото верување. Тој му раскажал за сè искрено дека мајка му била христијанка и додека била жива го воспитувала во тој дух, а дека татко му е паганин зашто сака да остане во служба на царот. Потоа свештеникот му зборувал на Пантелејмон за вистинскиот Бог Исус Христос, за неговите чуда, за исцелувањето болни, за воскреснувањето мртви итн. Тие раскажувања го потсетиле на зборовите на мајка му за вредностите на вистинската вера и кај него се разгорела љубовта кон Бога. Така кога почнал да лекува Пантелејмон се повикувал на Господ. Еднаш на враќање од кај учителот на патот видел мртво дете каснато од змија, којашто лежела покрај детето. Пантелејмон најпрвин се исплашил, но кога се сетил на зборовите од свештеникот дека Господ е семоќен, се наведнал над детето и побарал за него лек повикувајќи ја Божјата сила. Тогаш детето се разбудило, а змијата умрела. Потоа Пантелејмон веднаш отишол кај свештеникот и се крстил. Подоцна лекувал и слеп човек кого не можел да го излекува ниту еден лекар во империјата. Кога и него го излекувал кај свештеникот дошол и татко му и тој се крстил.
Свети Пантелејмон бил многу популарен лекар што лечел од разни телесни и душевни болести. Кога умрел и татко му имотот го раздал на сиромасите, а тој лечел бесплатно. Особено внимателно ги лекувал христијаните што имале рани од мачењето. Поради завист од лекарите бил наклеветен кај царот кој најпрвин се обидел да го врати во идолопоклонство, но Пантелејмон му одговорил дека ниту по цена на животот нема да се откаже од својот единствен Бог Исус Христос. За да му докаже на царот кој е вистинскиот Бог побарал од царот еден безнадежно болен што требало да го лекуваат идолските жреци, односно лекарите неверници. Откако тие не успеале да го излекуваат Пантелејмон и над него го повикал името на Исус по што болниот веднаш оздравел. По тој настан популарноста на Пантелејмон уште повеќе пораснала, а многумина поверувале во Исус Христос и се крстиле. Тоа, пак, уште повеќе ги разгневило лекарите кои од царот побарале да го погуби за да не привлече многумина во христијани. Поради тоа бил мачен, бесен, гребан по телото со остри предмети и горен со оган, а потоа фрлен во казан со растопено олово, но сето тоа јуначки го поднесол. Најпосле царот наредил да се исече со меч заедно со свештеникот Ермолај. Откако бил осуден на смрт, не со страв туку со радост тргнал кон губилиштето пеејќи ги Давидовите псалми. Потоа клекнал да се моли, а во тоа време џелатот замавнал со сабјата и го удрил по вратот, но на општо изненадување на насобраниот народ сабјата се искршила на безброј делови. Додека се молел Пантелејмон џелатот не можел да го погуби, иако повеќепати се обидувал. Дури откако ја завршил молитвата самиот побарал да го погубат. Тоа се случило во родното место Никомидија на 27 јули според стариот (или на 9 август според новиот) календар во 305 година. На Света Гора има голем манастир посветен на свети Пантелејмон во кој според преданието се наоѓаат дел од моштите на светецот. Во Македонија впечатливи градби посветени на св. Пантелејмон се Светиклиментовата црква на Плаошник, потоа црквите во Горно Нерези, Скопско, во Велес, манастирите во Кочанско, Штипско и други места. Тропар Свети великомаченик Пантелејмон Страдалнику свети и лекару Пантелејмоне, моли го милостивиот Бог да ни дарува прошка на гревовите на нашите души.
-
Вести3 months ago
ШОКАНТНО ОКТРИТИЕ! Научно докажано: Македонците се првите луѓе во Европа
-
ЕНЦИКЛОПЕДИЈА2 months ago
ЗА НИВ БИЛ МАКЕДОНЕЦ: Комити кои го преживеале Илинден во 1960 година му оддаваат почит на Пиринскиот цар Јане Сандански
-
ЕНЦИКЛОПЕДИЈА3 months ago
Портрет на прилепско семејство од 1793 година ја ништи бугарската и грчката пропаганда против Македонците
-
ХРОНОЛОГИЈА3 weeks ago
ЧЕРЧИЛ ЗА НАШАТА ДРЖАВА: ЦЕЛАТА ИСТОРИЈА НА ЕВРОПА Е ПОВРЗАНА СО МАКЕДОНИЈА, ЗАТОА СИТЕ ЈА НЕГИРААТ
-
НА ДЕНЕШЕН ДЕН2 months ago
Во Влахи во Пиринска Македонија е роден македонскиот револуционер, Пиринскиот цар, Јане Сандански
-
ЕНЦИКЛОПЕДИЈА3 months ago
Германскиот историчар Лоникер во 1578 година ги наведува Македонците како засебен народ
-
Вести3 months ago
ЛАВРОВ НАВОДНО ЈА „ПОПАРИЛ“ ГРЦИЈА: ВРШИТЕ ТЕРОР КОН МАКЕДОНЦИТЕ И МАКЕДОНИЈА А НАС ЌЕ ТИ ПРЕДАВАТЕ ДЕМОКРАТИЈА?
-
Вести3 months ago
МАЈМУНСКА СИПАНИЦА– ДАЛИ ЗАПОЧНУВА НОВА ПАНДЕМИЈА?