Меноти симболичен: Меси е премногу уморен од самиот Меси

Цезар Луис Меноти, поранешниот аргентински селектор и актуелен спортски директор во Аргентинската фудбалска федерација, зборуваше за Лионел Меси и притисокот со кој капитенот на Барселона се соочува секоја недела.

Меноти смета дека Меси е под голем притисок бидејќи во главно се зависи од него, а особено тоа се однесува на Барселона. Сега, кога каталонскиот клуб влезе во мала криза, се чекува „Меси да покаже дека е најголем“.

„Меси се одржува со волја, бидејќи Меси мора да има своја волја за и понатаму да сонува да биде Меси, бидејќи некогаш се уморува од Меси бидејќи секогаш се случува истото: Кога ќе постигне четири гола се чини дека тоа е нормално, а кога нема да постигне гол, тогаш тоа е голем проблем“, изјави Меноти, кој се обиде да биде и малку поетичен со својата изјава, по што додаде:

„Храбар е. Мораш да бидеш Меси! Од друга страна, во репрезентацијата не се заморува да биде Меси, можеби во фудбалот се заморува да биде Меси, бидејќи е тешко да се биде Меси секоја недела. Не е лесно. Барселона минува низ вистинска криза. Повеќе од било кога зависи од Меси. Оваа Барса нема екипа. Многу е тешко да се заменат Чави и Иниеста, а исто така да се замени тренер како Гвардиола кој е одговорен за создавањето на добри играчи. Не е едноставно. Меси би бил подеднакво важен играч каде и да игра, но многу е полесно тоа да го прави во Барселона покрај играчите со кои беше опкружен и со кои израсна“, анализираше поранешниот селектор на Аргентина.

Признава на крајот дека се плаши дека Меси би можел да дојде во Њуелс Олд Бојс, како што и се шпекулираше.

„Мислам дека има уште многу работа во Барселона. Се сомневам дека ќе се пресели во некој друг клуб во Европа, а ако навистина одлучи да игра во Аргентина, се плашам дека ќе дојде во Њуелс“, изјави Меноти кој е навивач на градскиот ривал на Њуелс, екипата на Росарио.

Related Articles

Leave a Reply

Your email address will not be published. Required fields are marked *