Полицијата во Лос Анџелес соопшти дека морала да одговори и да уапси маж кој во четвртокот околу 12 часот и 30 минути влегол во имотот на пејачката Ријана на Беверли Хилс, пренесува „Page Six“.

Човекот наводно патувал од другата страна на САД, од Јужна Каролина, за да ја запроси Ријана, но за среќа пејачката има многу добро обезбедување и полицијата брзо интервенирала.

Тој упаднал во нејзиниот имот облечен во црвена тренерка со качулка, а полицијата го однела со лисици.

- Спонзор -

Меѓутоа, бидејќи не стигнал подалеку од патеката на нејзината куќа, само бил испрашуван од полицијата, а потоа пуштен. Сè уште не е познато дали Ријана, која моментално е бремена и го чека своето второ дете со Роки, била дома во тој момент.