Кога вежбањето има поголема штета отколку корист?

Sharing is caring!

Постојано наоѓаме информации колку е вежбањето здраво и дека постојано треба да вежбаме поради здравствени и естетски причини. Меѓутоа, постојат ситуации кога е подобро да прескокнете еден тренинг за да не направите поголема штета. Кога сте болни Никако не би требало да вежбате доколку се чувствувате слабо, па дури и кога станува збор за обична настинка. Вежбањето може да го загрози имунитетот, а тоа само ќе ја продолжи настинката. Освен тоа, кога сте болни, потешко ќе се фокусирате на изведување на вежбите, па се зголемува и ризикот од повреди. Веднаш после боледување Немојте веднаш по настинката да се вратите на стариот режим на вежбање. Дајте му на телото време да ја врати силата, а кога веќе ќе почнете да вежбате, најдобро е да почнете со побавно темпо. Кога се чувствувате исцрпено или сте под стрес Понекогаш, иако ви се чини дека би требало да одите во теретана, телото ве предупредува дека е време за мала пауза. Ако се чувствувате целосно исцрпено, секако дека би требало да го прескокнете вежбањето. Одете дома, изедете нешто здраво, одморете се и не се нервирајте зошто не сте вежбале. Иако вежбањето може да помогне при намалување на стресот бидејќи го подига нивото на ендорфин, понекогаш треба да му подарите одмор на телото. Кога имате повреда Без разлика каква е повредата, бидете сигурни дека е целосно санирана пред да се вратите на вежбање. Ризикувате повторно да се повредите доколку веднаш се вратите во теретана. Најдобро е да се посоветувате со лекар доколку сакате да се вратите на вообичаената рутина. Кога сте мамурни Не е добра идеја да го победите мамурлакот со интензивен тренинг. Поради алкохолот вие сте дехидрирани, а вежбањето уште повеќе ќе ве натера да губите течности. Наместо теретана, подобро одлучете се за одмор и внесување повеќе течности. извор:кафепзауза.мк

Related Articles

Leave a Reply

Your email address will not be published. Required fields are marked *