Тренерот на Реал Мадрид, Карло Анчелоти е убеден дека во светот на фудбалот нема корупција и местење и дека секаде се случуваат судиски грешки и дека никој за ништо не треба да се обвинува.
Сето ова го истакна по новинарско прашање за случајот во кој Барселона на поранешниот шеф на судиската комисија во Шпанија му платила големи суми пари за „фер“ судење.
Карло Анчелоти е убеден дека се е сосема фер во светот на фудбалот. Тренерот на Реал Мадрид проговори за случајот со поранешниот шеф на судиите Енрикез Негреира и исплатите кои ги имал од Барселона и смета дека нема потреба никого да се осудува и дека клубовите се чисти.
- Спонзор -
„Овде нема корупција во фудбалот. Нема корупција во Италија, ниту во Европа“, смета Анчелоти и продолжува.
“Судиите ширум светот грешат. Ако ги направат, само треба да ги прифатите. Лично, јас често се лутам поради тие грешки, но убеден сум дека моментално нема корупција во светот на фудбалот”, изјави Анчелоти.
