Како Перез и Реал му го украдоа Родриго на Барселона

Sharing is caring!

Рогриго Гоеш, фудбалерот на Реал Мадрид е новата фудбалска сензација. Младиот 18-годишен Бразилец уште на деби настапот за Реал Мадрид постигна гол во 93 секунда откако влезе во игра, а во ист ритам продолжи и понатаму, во победата над Галатасарај од 6:0, Родриго стана вториот најмлад фудбалер со хет-трик во Лигата на шампионите.

Поради спектакуларните настапи за првиот тим на Реал Мадрид, Родриго Гоеш не се симнува од насловните страници и полека на виделина излегуваат деталите од борбата на фудбалските за неговиот потпис.

„Марка“ пишува дека првиот конкретен чекор го направи Ливерпул, достави понуда но во Сантос не беа задоволни од сумата и одбија да го продадат младиот Родриго. Сепак, токму англискиот гигант ја имаше клучната ролја но на поинаков начин, токму во овој град падна договорот помеѓу Реал Мадрид и Сантос.

Оваа информација ја објави каталонскиот „Спорт“ кој пишува дека Барселона долго време беше во предност во врбувањето на младиот Бразилец. Шпанскиот шампион дури и постигнал договор за трансфер, но тогаш на сцена стапик претседателот на Реал Мадрид, Флорентино Перез со неморална понуда и желба за освета.

Според „Спорт, Перез бил лут што Барселона пред нос им го украде Нејмар и одлучил дека такви работи во иднина не смеат да се повторат. Прво за сума од 45 милиони евра го купи Винисиус Жуниор кој исто така беше на радарот на Барселона, а една година подоцна истото го направи и со Родриго.

Во таборот на Барселона наводно не верувале дека Перез е подготвен две години по ред да издвојува по 45 милиони евра за тинејџери, но очигледно ја потценија неговата желба за одмазда.
Перез го пратил директорот Хозе Анхел Санчез во Ливерпул каде летото 2018 година играа Бразил и Хрватска како дел од подготовките за настап на Мундијалот, на средва со претседателот на Сантос, Хозе Карлос Перес.

Сантос со продажбата на Родриго Гоеш доби 40 милиони евра без бонуси, од кои 20 милиони ги доби веднаш, а младиот фудбалер за самиот потпис со „кралскиот“ клуб беше награден со осум милиони евра. Овие суми беа превисоки за Барселона и не ја израмнија понудата, по што младиот Бразилец заврши на „Сантијаго Бернабеу“ и според прикажаните игри на стартот од авантурата со Реал Мадрид, се чини дека е достоен наследник на Бразилецот Роналдо.

Related Articles

Leave a Reply

Your email address will not be published. Required fields are marked *