Извлечени се двојките од осминафиналето во Лига Европа. На екипите кои го поминаа плеј-офот им се придружија и победниците од групите, кои беа носители на ждрепката.
Беше многу интересно во второто по квалитет клупско натпреварување на УЕФА. Одличниот двомеч меѓу Манчестер Јунајтед и Барселона им припадна на „црвените ѓаволи“ по драматичните средби. Феноменален двомеч одиграа Монако и Баер Леверкузен, одличен натпревар одиграа и Рен и Шахтјор.
Сепак, 16 екипи се пласираа во следната рунда, од кои осум беа веќе познати бидејќи беа победници во групите. Со тоа се водеа како носители, а тоа беа: Арсенал, Бетис, Реал Сосиедад, Фрајбург, Фенербахче, Унион Сан Гило, Ференцварош и Феенорд.
- Спонзор -
Екипите кои го немаа тој статус беа: Манчестер Јунајтед, Спортинг Лисабон, Унион Берлин, Севиља, Јувентус, Шахтјор, Баер Леверкузен и Рома.
Затоа може да се каже дека овие „второлигаши“ се поквалитетни од носителите.
Интересно е што за пресметката беа извлечени Унион Берлин и Унион Сан Жило, две екипи кои беа заедно во групната фаза на натпреварувањето.
Нема поголемо дерби бидејќи ждрепката потенцијално можеше да ги спои Арсенал и Манчестер Јунајтед или Арсенал и Јувентус.
Првите осминафинални натпревари се закажани за 9 март, додека реваншите се една недела подоцна (16 март). Исто така, сите клубови кои беа први во групата во групната фаза од Лига Европа првиот тест ќе го одиграат на гости, а реваншот на домашен терен. Финалето, како што е познато од претходно, ќе се игра во Будимпешта на 31 мај.
Двојки од осминафиналето во Лига Европа:
Унион Берлин – Унион Сен-Жилоаз
Севиља – Фенербахче
Јувентус – Фрајбург
Баер Леверкузен – Ференцварош
Спортинг – Арсенал
Манчестер Јунајтед – Реал Бетис
Рома – Реал Сосиедад
Шахтјор – Феенорд
