Се шпекулираше дека улогата на Џејмс Бонд може да ја добие Идрис Елба, актерот познат по улогата во познатата серија Лутер.

Сепак, Елба ги отфрли информациите дека во следните продолженија ќе го игра Џејмс Бонд. „Тоа е комплимент и голема чест, но не е вистина“, рече тој во интервју за „Гардијан“.

„Ја сакам франшизата за Бонд и многу сум близок со продуцентите. Сите некако се смеевме на гласините. Не можам да зборувам во име на нив, но од моја перспектива, никогаш немаше вистина во тоа“, рече тој, потврдувајќи дека сериозни разговори за неговото преземање на улогата на тој таен агент никогаш не се случило.

Да потсетиме, последниот филм за Бонд, Нема време за умирање, беше објавен во 2021 година. Со тој филм Даниел Крег се прости од улогата на Џејмс Бонд. Претходно продуцентката Барбара Броколи призна дека ќе им треба многу време да изберат добра замена за Даниел Крег.

- Спонзор -

„Тоа е голема одлука. Не е само давање улога. Станува збор за целосно преиспитување на патот по кој чекориме“, изјави таа за Variety. Постојат неколку потенцијални актери кои би можеле да ја добијат улогата на Џејмс Бонд, пишуваат британските медиуми, а некои од нив се: Хенри Кавил, Арон Тејлор-Џонсон, Том Харди, Реџ-Џин Пејџ, Том Холанд…