Интервјуто после или пред натпревар е сосема нормална работа за многу спортисти и фудбалери, но за шведскиот напаѓач Кен Сема тоа сепак беше најголемиот страв во неговиот живот.
Природно е дека не се сите совршени во комуникацијата со медиумите, особено пред камерите, но играчот на Вотфорд имаше огромна пречка во вид на говорна мана.
Иако пелтечи, конечно реши да го скрши мразот и да застане пред камерите и да даде интервју. Се ослободи од својот најголем страв и победи.
Кен Сема даде интервју откако му помогна на Ватфорд да го победи ВБА (3:2) со два гола во борбата за плеј-офот во Чемпионшип.
Сема се мачеше додека ја даваше изјавата, но на крајот добро се снајде, иако беше очигледно дека многу се мачеше со изговорот на одредени зборови.
„Долго време се опоравувам од повредата, па среќен сум што постигнав гол и што победи мојот тим. Беше прекрасна вечер. Беше одлично да се прослави победата со навивачите. Направив се за да се вратам посилен по повредата. Ова е многу важна победа. Ни претстојат тешки натпревари, но со нетрпение ја чекам можноста да се докажам“, ги сподели емоциите на Сема.
