Занети им раскажува на своите деца за „магијата“ на Пандев! (ВИДЕО)

Овој период спортистите се наоѓаат во карантин, домашна изолација поради пандемијата на коронавирусот. Помеѓу нив е и поранешната аргентинска фудбалска ѕвезда на Интер во чиј клуб своевремено беше тимски колега на Горан Пандев.

Хавиер Занети го поминува времето со најблиските, воедно со своите три деца гледаат натпревари на Интер од пред 10 години.

Го одвои градското дерби во серија А против Милан во кој што триумфираа „неро-аѕурите“ со 2:0. Стрелец на првиот гол беше Диего Милито во 10 минута, а конечниот епилог го постави македонскиот репрезентативец Горан Пандев во 65 минута со прекрасен погодок од слободен удар.

Тогаш во тимот на Милан имаше големи имиња како Дида, Гатузо, Пирло, Бекам, Роналдињо, Сидорф..а на спротивната страна соиграчи на Пандев му беа Занети, Маикон, Снајдер, Милито, Балотели..со Мурињо на клупата.

– Имам три деца, Сол, Игнасио и Томас. Овие денови сме заедно дома, повторно ги гледаме натпреварите од 2010 година. Го гледавме дербито и победата против Милан (2:0) и му реков на Томи, кој досега никогаш не ме гледал како играм: „Гледај што прави сега Милито“ или „види го овој слободен удар на Пандев“. И тогаш сите се прегрнуваме. Тој има осум години, ја учи нашата историја – се зборовите на Занети.

Да додадеме уште дека во сезоната 2009/2010 Занети (капитен) и Пандев ја освоија титулата во Лигата на шампионите.

The post Занети им раскажува на своите деца за „магијата“ на Пандев! (ВИДЕО) appeared first on Слободен печат.

Related Articles

Leave a Reply

Your email address will not be published. Required fields are marked *