Вкупно шест клубови од најсилното италијанско фудбалско првенство побараа да биде предвреме завршена сезоната поради пандемијата на коронавирусот.

Италија е една од најпогодените земји од Ковид-19 кој ги запре скоро сите спортски натпреварувања, а одредени екипи немаат намера да го продолжат натпреварувањето во Серија А.

Најгласен во таа намера е првиот човек на Бреша, Масимо Челино. Тој најави дека неговиот клуб сигурно нема да игра повеќе натпревари оваа сезона.

– За мене е чиста лудост е да се продолжи, а доколку нè натераат да играме, подготвен сум да го повлечам тимот од теренот и го загубиме натпреварот со 3:0. Тоа би го направил од почит спрема жртвите на градот Бреша и нивните сакани – рече Челино за „Гаѕета дело Спорт“.

Six Serie A sides propose giving 2019-20 season up: https://t.co/10E8aWvyql pic.twitter.com/TYsV3AHEET

— AS English (@English_AS) April 3, 2020

Вкупно шест клубови од најсилното италијанско фудбалско првенство побараа да биде предвреме завршена сезоната поради пандемијата на коронавирусот.

Освен Бреша, уште Торино, Удинезе (на Илија Несторовски), Сампдорија, Џенова (на Горан Пандев) и СПАЛ, немаат ништо против сезоната да биде завршена според моменталниот пласман на табелата.

фото: принтскрин/soccerway

Кога сме кај екипите на двајцата македонски репрезентативци, според таков евентуален епилог, Удинезе и Џенова би останале во елитата и наредната сезона.

Од друга страна, за продолжување на сезоната се актуелниот шампион Јувентус, Лацио, Рома, Наполи (на Елиф Елмас), Верона, Парма, Сасуоло и Лече.

The post Екипите на Пандев и Несторовски бараат крај на сезоната во Серија А!? appeared first on Слободен печат.