Аргентинскиот тинејџер Алехандро Гарначо е светла иднина на светскиот фудбал, но очигледно дека треба да поработи на некои елементи кои немаат врска со играчките квалитети и она што го покажува на теренот.
По синоќешниот триумф против Барселона, 18-годишниот фудбалер покажа непочитување и кон противничките фудбалери и кон каталонскиот клуб кој би требало да го респектира, меѓу другото, поради тоа што својата кариера таму ја изгради неговиот славен сонародник Лионел Меси. Додека ја славеше победата, Гарначо гестикулираше на начинот на кој тоа го прави Педри откако ќе постигне гол. Многумина тоа го сфатија како тролање на уште еден извонреден фудбалер пред кого е светла иднина.
Pasa de ronda el equipo grande pic.twitter.com/X4QcV8LlHX
— Alejandro Garnacho (@agarnacho7) February 23, 2023
Освен тоа, по натпреварот, Гарначо се истакна на социјалните мрежи каде напиша дека „големиот тим поминал во следната рунда“. Со тоа ја понижи Барселона иако станува збор за клуб со повеќе трофеи и пославно минато од оној каде што игра тој.
